აჭარის მთავრობის თავმჯდომარე თორნიკე რიჟვაძემ, საქართველოს პრემიერ-მინისტრ მამუკა ბახტაძესთან და საქართველოს რეგიონული განვითარებისა და ინფრასტრუქტურის მინისტრ მაია ცქიტიშვილთან ერთად,  დღეს ქობულეთის განახლებული სანაპირო ზოლი დაათვალიერა.

,,ქობულეთში დასრულდა ნაპირსამაგრი სამუშაოები და უკვე ახალი ბულვარი გვაქვს მიმდინარე სეზონისთვის. მომავალ წელს იქნება ძალიან ბევრი სიახლე, როგორც ნაპირგამაგრების, ისე   თანამედროვე ინფრასტრუქტურის კუთხით ", - განაცხადა თორნიკე რიჟვაძემ.

ქობულეთის სანაპირო ზოლის განახლებაზე ჯამში 9 მილიონი ლარი დაიხარჯა.  აქედან, 2 მილიონ ლარზე მეტი მსოფლიო ბანკის, დანარჩენი კი სახელმწიფო ბიუჯეტის დაფინანსებაა.

პროექტის ფარგლებში მოეწყო ახალი ბულვარი, გაიზარდა კურორტის სანაპირო ზოლი, შემცირდა შტორმის დროს ტალღების ზემოქმედება სანაპიროზე, რაც ტურისტებსა და ადგილობრივ მოსახლეობას დაცული და მოწესრიგებული სანაპირო ზოლით სარგებლობის საშუალებას აძლევს.

 საქართველოს პრემიერ-მინისტრმა კიდევ ერთხელ გაუსვა ხაზი ნაპირსამაგრი სამუშაოების განხორციელების პრიორიტეტულობას და აღნიშნა, რომ  მომავალი წლის ზაფხულში ქობულეთში მთელი სანაპირო იქნება უზრუნველყოფილი მსგავსი თანამედროვე ინფრასტრუქტურით.

ქობულეთში უკვე დასრულდა ფიჭვნარის სანაპირო ზოლის ნაპირსამაგრი სამუშაოები.

(NS)

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს