„რაც უფრო ძლიერები ვიქნებით ეკონომიკურად, რაც უფრო მეტ ქვეყანასთან, მათ შორის რუსეთთან გვექნება ეკონომიკური, პრაგმატული ურთიერთობები, რაც უფრო მეტი კმაყოფილი რუსი ტურისტი  წავა აქედან და წაიღებს ინფორმაციას რეალურ საქართველოზე, მით უკეთესია ჩვენთვის, რადგან ჩვენ ავირჩიეთ კონფლიქტის მოგვარების მშვიდობიანი გზა და ეს არის, მათ შორის, ამ მშვიდობიანი დღის წესრიგის მნიშვნელოვანი ნაწილი“, - ამის შესახებ ნათია თურნავამ გურჯაანში  ადგილობრივ ფერმერებთან, მეღვინეებთან და ტურიზმის სფეროს წარმომადგენლებთან განაცხადა.

როგორც მინისტრმა აღნიშნა, უმნიშვნელოვანესია ადამიანებს შორის კარგი ურთიერთობა, მეტი ტურისტი ყველა მიმართულებიდან, მათ შორის რუსეთიდან. „რუს ტურისტს, გარდა იმისა, რომ აქ ფულს ხარჯავს და ჩვენს ეკონომიკაში შეაქვს წვლილი, დამატებითი დატვირთვა აქვს - ის არის ერთი  ცალკეული,  მართალი ინფორმაციის მატარებელი ადამიანი რუსეთში. ეს არის რეალობა“, - აღნიშნა თურნავამ.

ეკონომიკის მინისტრი ადგილობრივ მეწარმეებთან საუბრისას სავაჭრო-ეკონომიკურ ურთიერთობებსაც შეეხო. მისი თქმით, ბიზნესს უნდა ჰქონდეთ არჩევანი, ივაჭროს ნებისმიერ ქვეყანასთან, სადაც თვლის, რომ უკეთესად გაიყიდება მისი პროდუქტი. „დღეს საქართველოს ეკონომიკა არის  საკმაოდ დივერსიფიცირებული, მათ შორის ჩვენი მთავრობის დიდი ძალისხმევით.  რუსეთთან ვაჭრობა ექსპორტის ნაწილში არის 13 პროცენტი, რა თქმა უნდა, არის სხვა ქვეყნები, არის არჩევანი, მაგრამ ამის გამო უარი ვთქვათ ამ 13%-ზე? ცხადია,  არა. ეკონომიკა, მათ  შორის  ექსპორტი, მთლიანობაში უნდა გაიზარდოს და თქვენ უნდა გქონდეთ არჩევანი, ივაჭროთ ნებისმიერ ქვეყანასთან, სადაც თვლით, რომ უკეთესად გაიყიდება თქვენი პროდუქტი.  ჩვენი მოვალეობაა, რომ დავიცვათ თქვენი უფლებები, რომ თავისუფლად აკეთოთ თქვენი საქმე", – განაცხადა ეკონომიკის მინისტრმა.

კახეთში, გურჯაანში ადგილობრივ ფერმერებთან, მეღვინეებთან და ტურიზმის სფეროს წარმომადგენლებთან გამართულ შეხვედრას ნათია თურნავასთან ერთად გარემოს დაცვისა და სოფლის მეურნეობის მინისტრი  ლევან დავითაშვილი, კახეთის სახელმწიფო რწმუნებული  ირაკლი ქადაგიშვილი, პარლამენტის მაჟორიტარი დეპუტატი დავით სონღულაშვილი და ეკონომიკის სამინისტროს  ტურიზმის ეროვნული ადმინისტრაციის ხელმძღვანელი მარიამ ქვრივიშვილი ესწრებოდნენ.

(NS)

ავტორი: ექსპრესნიუსი,

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო