„ჩვენ დავინახეთ, რომ „ქართული ოცნების“ სტანდარტი საკუთარ ხალხზე პირდაპირი ძალადობაა“, - ასე ეხმიანება პარლამენტის დამოუკიდებელი დეპუტატი გედევან ფოფხაძე პრემიერ-მინისტრის 20 ივნისის დარბევამდე გაკეთებულ განცხადებას, სადაც ის ამბობს, რომ აქციის დარბევა „ქართული ოცნების“ სტანდარტი არ არის.

ფოფხაძემ აღნიშნა, რომ ეს დღეები ისტორიაში შევიდა როგორც  „ქართული ოცნების“  შავი ლაქა.

„ისტორიას ვერავინ ვერ გადაწერს და ის დღეები, რაც ჩვენ გადავიტანეთ, ამ ხელისუფლების ისტორიაში როგორც შავი ლაქა უკვე ჩაწერილია, ამას აღარაფერი აღარ შეცვლის. რა დასაბუთებაც არ უნდა იყოს  პრემიერის მხრიდან, რომ ამას ჰქონდა რაღაც ობიექტური წინაპირობები , ის 15 წუთით ადრე, სანამ დაიწყებოდა დარბევა, საზოგადოებას არწმუნებდა, რომ მსგავსი რამე „ქართული ოცნების“ სტანდარტი  არ არის.  შემდეგ, მთელი ღამის მანძილზე, ჩვენ დავინახეთ, რომ სტანდარტი არის ძალიან მძიმე, პირდაპირ ძალადობა საკუთარ ხალხთან მიმართებაში. ის როდის მოერევა თავის თავს, ჩამოყალიბდება და შეძლებს ამის ახსნას, ეს მისი საქმეა, მაგრამ ისტორია ნამდვილად აღარ გადაიწერება“, - განაცხადა გედევან ფოფხაძემ.

ავტორი: ექსპრესნიუსი,

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა