„ნაციონალური მოძრაობის“ წევრის ნიკა მელიას მხარდამჭერები პარლამენტთან საპროტეტო აქციას მართავენ.

დემონსტრანტები აპირებენ სირცხვილის კორიდორი მოუწყონ იმ დეპუტატებს, რომლებმაც მელიასთვის სადეპუტატო მანდატის შეჩერებას მხარი დაუჭირა.

მათი შეფასებით, საპარლამენტო უმრავლესობის ამ გადაწყვეტილებას მძლავრი პროტესტი მოჰყვება.

„ქართველი ხალხი აუცილებლად დაამარცხებს ამ პუტინის მსახურ ხელისუფლებას. ამ მომენტიდან, არ აქვს პოლიტიკურ კუთვნილებას მნიშვნელობა, ყველანი ვართ საქართველოს თავისუფლებისთვის მებრძოლები“, - განაცხადა გია ბარამიძემ.  

ცნობისთვის, პარლამენტმა „ნაციონალური მოძრაობის“ წევრისთვის, დეპუტატ ნიკა მელიასთვის სადეპუტატო იმუნიტეტის მოხსნას მხარი დაუჭირა. მელიასთვის სადეპუტატო მანდატის შეჩერებას მხარი 91 დეპუტატმა დაუჭირა.

პროკურატურა ნიკა მელიას  ბრალს საზოგადოებრივი წესრიგისა და უშიშროების წინააღმდეგ მიმართული დანაშაულის ჩადენაში სდებს (სსკ-ის 225-ე მუხლი). გენერალური პროკურორის პარლამენტისადმი გაგზავნილ მიმართვაში ნათქვამია, რომ მას შესაძლოა დაეყოლიებინა მშვიდობიანი მომიტინგეები სამართლადამცავებზე ძალადობრივ თავდასხმაში.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ცივი იარაღის გამოყენებით მამაკაცს მრავლობითი დაზიანება მიაყენა და შემთხვევის ადგილიდან მიიმალა

თიბისი კონცეპტი წარმოგიდგენთ ინოლა გურგულიას შემოქმედებისადმი მიძღვნილ კონცერტს

ფრანგმა პროკურორებმა ილონ მასკის წინააღმდეგ სისხლის სამართლის გამოძიება დაიწყეს.

ირანი გეგმავს, რომ მსოფლიოს უმსხვილესი IT კომპანიებისგან ჰორმუზის სრუტეში კაბელების გაყვანისთვის გადასახადი დააწესოს