თბილისის ქუჩებში ფაშისტური და ძალადობრივი ჯგუფები პატრულირებენ, ისინი მსვლელობას მარჯანიშვილის მოედანზე აწყობენ - ამის ამსახველი ვიდეო "ევროპული საქართველოს" ერთ-ერთმა ლიდერმა გიგი უგულავამ გაავრცელა.

"თბილისი დღეს! ამოფრქვეული სიავე მსხვერპლის ძიებაში, რომელიც ყოველი ადამიანი შეიძლება აღმოჩნდეს, ამათი სახინკლიდან გამოსვლის შემდეგ. ასე იწყებოდა და იწყება ფაშიზმი. ამათ დაუთმო ივანიშვილის რეჟიმმა ჩვენი თავისუფლება, უსაფრთხოება და მომავალი. ეს ამ რეჟიმის ერთ ერთი სახეა. ბრაზის ადრესატი და მთავარი სამიზნე სწორედ ის უნდა იყოს, თუ გვინდა დავიბრუნოთ მშვიდობა, უსაფრთხოება, განვითარება" - დაწერა გიგი უგულავამ
ცოტა ხნის წინ , „რუსთაველის“ მეტროში ორ ახალგაზრდა მამაკაცს ფიზიკურად გაუსწორდნენ. როგორც თვითმხილველებმა საქართველის პირველი არხის ჟურნალისტს განუცხადეს, რამდენიმე მამაკაცი სიტყვიერად დაუპირისპირდა ახალგაზრდებს.

„საყურიანი ბიჭები ქართველობას არ შეეფერება“, – ამ სიტყვებით მიმართავდნენ ახალგაზრდებს, რომლებიც სავარაუდოდ მუსიკოსები იყვნენ.
ჰომოფობიურმა დაჯგუფებამ, რომელმაც დღეს “თბილისი პრაიდის” ოფისთან აქცია გამართა, მარჯანიშვილის გამზირზე ერთ-ერთ საცხოვრებელ კორპუსში მოქალაქეს კერძო ბინაში ფანჯრიდან ცისარტყელისფერებიანი ფარდა ჩამოახსნევინა, რადგან LGBT მოძრაობის სიმბოლო ეგონა. ინფორმაციას ამის შესახებ “პირველი არხი” არვცელებს.

როგორც ტელეარხს დაჯგუფების წევრებმა უთხრეს, მათთვის მნიშვნელობა არ ჰქონდა, ეს ნამდვილად დროშა იყო თუ ფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პერმს ტუაფსეს მსგავსი ეკოლოგიური კატასტროფა ელის

ზურაბიშვილი რეჟიმის მიერ ვენახის გაშენების აკრძალვაზე - დავბრუნდით შაჰ-აბასისა თუ საბჭოთა დროს

რუსეთის მიერ უკრაინაში დადასტურებულმა დანაკარგებმა 216 000 ადამიანს გადააჭარბა.

კრემლის ჩინეთის გავლით ტექნოლოგიების იმპორტზე დამოკიდებულებამ 90%-ს მიაღწია.