ფინანსთა მინისტრი ივანე მაჭავარიანი დოლართან მიმართებაში ლარის კურსის დაცემას საგარეო ფაქტორებით ხსნის და ერთ-ერთ მთავარ მიზეზად, თურქეთში განვითარებულ მოვლენებს ასახელებს.

როგორც მაჭავარიანმა აღნიშნა, ვალუტის გაუფასურების მიუხედავად, ფასების ზრდა ეროვნული ბანკის მიერ დადგენილ ზღვარს არ გასცდება.

 „რასაკვირველია, საგარეო ფაქტორებია. თუ შეხედავთ, ნახავთ. ერთ-ერთი განმაპირობებელი, დარწმუნებული ვარ, თურქეთის ფაქტორიც არის. ზუსტად ამიტომ, ჩვენ უკვე ერთ წელზე მეტია დედოლარიზაციაზე ვსაუბრობთ, რომ ნაკლებად ვიყოთ დამოკიდებული დოლარზე, ნაკლებად იყოს ჩვენი მოსახლეობა დამოკიდებული დოლარზე. ამის შესახებ პარლამენტშიც იყო ცხარე დებატები. როდესაც ჩვენ ვამბობდით, რომ ჩვენ კონკრეტული რეგულაციები და შეზღუდვები დავაწესეთ, მაგალითად იპოთეკურ სესხებზე დოლარში, ეს ემსახურება იმას, რომ ამ ტიპის რყევების მიმართ, რომელიც აბსოლუტურად ყველგან ხდება, მითუმეტეს პატარა და განვითარებად ქვეყნებში, იმუნიტეტი გვქონდეს. აქვე მინდა ხაზი გავუსვა, რომ მიუხედავად იმისა, რომ კურსი 2.80-ს მიუახლოვდა, ჩვენ ინფლაციურ ზეწოლას ვერ ვხედავთ. დარწმუნებული ვარ, რომ ინფლაცია, ანუ ფასების ზრდა იქნება იმ ზღვარში, რაც ეროვნულ ბანკს აქვს“, - განაცხადა ფინანსთა მინისტრმა.

ცნობისთვის, ეროვნული ბანკის მიერ დადგენილი ოფიციალური გაცვლითი კურსის თანახმად, 1 დოლარი 2.7470 ლარი ღირს.

ავტორი: ექსპრესნიუსი,

სოციალური ქსელები

საქართველოს ნაკრები მსოფლიო ჩემპიონატის საკვალიფიკაციო ეტაპის გადამწყვეტ რაუნდშია – ერთად ვუგულშემატკივროთ ქართველ კალათბურთელებს

სამადაშვილი -კობახიძემ გაეროში წასვლა იმიტომ გადაწყვიტა, რომ იცის, მისი ბოლო შანსია, ტრიბუნაზე დადგეს

ფრულავა- ოცნება არის კორუფციული კრიმინალური რეჟიმი, რომელიც სამთავრობო კაბინეტებს არა ხალხის საჭიროების, არამედ პირადი კეთილდღეობის მიხედვით ანაწილებს

FT: მასკმა უკრაინას განუცხადა, რომ ის „ღიაა“ Starlink-ის გამოყენებით რუსეთის წინააღმდეგ შორი დისტანციის დარტყმების იდეისთვის