საქართველოს ყოფილი პრეზიდენტი მიხეილ სააკაშვილი საკუთარ მომხრეებს „შეტევაზე გადასვლისკენ“ მოუწოდებს. 

როგორც სააკაშვილმა Facebook-ზე გავრცელებულ საკუთარ მიმართვაში აღნიშნა, ოპოზიცია არ მისცემს ხელისუფლებას არჩევნების გაყალბების შესაძლებლობას. 

"ახლა გამოდიან "ქართული ოცნების" წარმომადგენლები და ამბობენ, რომ ზუგდიდში "ნაციონალური მოძრაობის" ბევრი წარმომადგენელი არისო ჩამოსული. მათ უნდათ არეულობა. ნუ დაკომპლექსდებით, ეს არარაობები, ეს ბიძინა ივანიშვილის შნირები, ცდილობენ დაგაკომპლექსონ, რომ არ გადახვიდეთ შეტევაზე, გული გისკდებოდეთ. ეგენი არიან დამთავრებულები. ჩვენ უნდა ვიყოთ მხოლოდ და მხოლოდ შეტევაზე. ყოველჯერზე გმართმევენ არჩევნებს, ყოველჯერზე აყალბებენ და ივანიშვილი ვირეშმაკობას მიმართავს. სიგარეტის კოლოფებში არიგებენ ფულს, მაგრამ მაინც აქვთ ცუდად საქმე "ქოცებს". იქ ვიღაცებს ჩანაწერები გამოუგდეს და ამბობენ, რომ იმას აპირებენ, ამას აპირებენ...დიახ ვაპირებთ, ვაპირებთ ბოლომდე შევუსრულოთ ივანიშვილს. ამას ყოველგვარი ჩანაწერების გარეშე გეუბნებით, გადმოვლენ ცემა-ტყეპაზე? - ისეთ პასუხს მიიღებენ, რომ ძალიან არ მოეწონებათ. ნუ ჩაყვებით ივანიშვილს საფლავში. არავის არაფერი დაუთმოოთ. თუ ხელი წაუსცდათ რამეზე, ამას ისეთი გაგრძელება მოჰყვება, როგორიც ნოემბერში არ იყო. მეტი საქმე არ მაქვს ექვსი თვე ველოდო ვინმეს, დასკვნებს გააკეთებს ქართველი ხალხი და მათთან ერთად ვიმოქმედებ მეც", - განაცხადა მიხეილ სააკაშვილმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს