„დაფიქსირდა დამკვირვებლებისა და  წარმომადგენლების მიერ ამომრჩევლებისთვის პირადობის მოწმობების შემოწმება, მათ შორის, გამორთმევა და მონაცემების ჩანიშვნა“, - ამის შესახებ ცენტრალური საარჩევნო კომისიის პრესსპიკერმა ანა მიქელაძემ ბრიფინგზე განაცხადა,

 როგორც მიქელაძემ აღნიშნა, დამკვირვებლებს აქვთ ყველა პროცესზე დაკვირვების უფლება, თუმცა ისე, რომ ამომრჩევლის შეფერხება არ მოახდინონ.

„აღსანიშნავია, რომ ამომრჩეველს არ აქვს ვალდებულება აჩვენოს ან გადასცეს პირადობის დოკუმენტი უბანზე ყოფნის უფლების მქონე არცერთ პირს, გარდა საარჩევნო უბნის კომისიის წევრისა. მხოლოდ ნაკადის მომწესრიგებელს და რეგისტრატორს აქვთ უფლება მოსთხოვონ ამომრჩელევს პირადობის მოწმობა და  დაამუშავონ მონაცემები კენჭისყრაში მონაწილეობის მიღების მიზნით. ამასთან უნდა აღინიშნოს, რომ დამკვირვებლებს აქვთ ყველა პროცესზე დაკვირვების უფლება, თუმცა ისე რომ არ მოახდინონ ამომრჩევლის შეფერხება, პროცესიისა და კომისიისადმი მუშაობის ხელის შეშლა.

რაც შეეხება, მეორე განცხადებას საარჩვენო ადმინისტრაციაში შემოდის ინფორმაცია და  კითხვები უბნის მიმდებარე ტერიტორიაზე ე.წ. კოორდინატორების მიერ ამომრჩევლების აღრიცხვიანობასთან დაკავშირებით,  შესაბამისად ითხოვენ რეაგირებას. აღნიშნულ თემაზე გავრცელდა მედია კადრები, რომ თითქოს ხდება სამაგიდო სიების გამოყენება. პარტიებს და დამკვირვებელ ორგანიზაციებს აქვთ უფლება მოითხოვონ ამომრჩეველთა სიის სურათებიანი ვერსია, აღნიშნულ კადრებში ფიქსირდება არა სამაგიდო სია, სავარაუდოდ, უფლებამოსილ პირებზე კანონმდებლობით შესაბამისად გადაცემული სია. რაც შეეხება რეაგირებას, საარჩევნო ადმინისტრაცია ახორცილებს უფლებამოსილებას კენჭისყრის შენობაში და კანონმდებლობის მოთხოვნის შესაბამისად უზრუნველყოფს, რომ არ მოხდეს ამომრჩევლების პირადი მონაცემების დამუავება. ამასთან აღსანიშნავია, ისიც რომ მოქმედი კანონმდებლობა  არ კრძალავს ნებისმიერი პირის მიერ ამომრჩევლის აქტივობის აღრიცხვას უბნის გარე ტერიტორიაზე. თუმცა მნიშვნელოვანია, რომ ამ პროცესმა არ შეაფერხოს ამომრჩევლის ნების თავისუფლად დაფიქსირება“, - აღნიშნა ანა მიქელაძემ

ავტორი: ექსპრესნიუსი,

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს