ბათუმს კიდევ ერთი ხუთ ვარკსვლავიანი სასტუმრო "Best Western Premier"-ი შეემატა. ახალი სასტუმრო აჭარის მთავრობის თავმჯდომარემ, აჭარის უმაღლესი საბჭოს თავმჯდომარესთან და ქალაქის მერთან ერთად გახსნა. რის შემდეგაც, თორნიკე რიჟვაძემ სასტუმრო კომპლექსი ინვესტორებთან ერთად დაათვალიერა.

აღნიშნული სასტუმრო გახლავთ ამერიკული საერთაშორისო ბრენდის "Best Western Hotels & Resorts"-ის ფრენჩაიზი. სასტუმროში 14 მილიონი ლარის ინვესტიცია განხორციელდა. 104 ნომერზე გათვლილი სასტუმრო თანამედროვე სტანდარტების შესაბამისია. მე-13 სართულზე განთავსებულია რესტორანი ტერასით და ლაუნჯ-ბარი, ასევე 2-სართულიანი სპა ცენტრი. საქმიანი ვიზიტებისა და შეხვედრების უზრუნველსაყოფად სასტუმრო აღჭურვილია 2 საკონფერენციო დარბაზით და ბიზნეს-ცენტრით. ამ ეტაპზე სასტუმროში დასაქმებულია 50 ადამიანი.

"Best Western Hotels & Resorts" არის მსოფლიოში ერთ-ერთი ყველაზე მსხვილი სასტუმრო ქსელი. კომპანიის 72 წლიანი არსებობის განმავლობაში ის 100-ზე მეტ ქვეყანაში 4500-ზე მეტ სასტუმროს ითვლის.

სასტუმრო, რომელიც ფეხით სავალ მანძილზეა შავი ზღვის სანაპიროსთან, ფრანგულ მუსიკალურ შადრევნებთან, აკვა-პარკთან და იუსტიციის სახლთან, იდეალურია როგორც დასვენების კუთხით, ასევე საქმიანი ვიზიტებისთვის.

სასტუმრო "Best Western Premier" გახსნის ცერემონიაში მონაწილეობა მიიღო აჭარის ტურიზმის დეპარტამენტის ხელმძღვანელმა, ტურიზმის სექტორის წარმომადგენლებმა და ბათუმელებმა.

(NS)

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს