"გვინდა დავარწმუნოთ ჩვენი კოლეგები იმაში, რომ სახელმწიფოს ინტერესები უფრო მეტია, ვიდრე პარტიის თავმჯდომარის [ბიძინა ივანიშვილი] სურვილი, რომ სასამართლო ჩაიდოს ჯიბეში ამ მახინჯი მოსამართლეების საშუალებით", - ამის შესახებ პარლამენტის წევრმა ლევან გოგიჩაიშვილმა ჟურნალისტებს განუცხადა.

როგორც დეპუტატმა აღნიშნა, ის თანამოაზრეებთან ერთად შეეცდება მოსამართლეების შესახებ შემუშავებული ინიციატივა პარლამენტში მეორე მოსმენით დაარეგისტრიროს.

"საკანონმდებლო პროცესი, რა თქმა უნდა, არის მნიშვნელოვანი. თეორიულად და კანონმდებლობით პრობლემის გადაწყვეტის გასაღები დევს პარლამენტში და უმრავლესობა არის ამ საკითხის მთავარი გადამწყვეტი. მაგრამ პრაქტიკაში გასაღები დევს სხვაგან. ჩვენ ვცდილობთ, რომ ვისთანაც დევს ეს გასაღები, წავართვათ ეს გასაღები, როგორც სასამართლოს თავისუფლების შეფერხების მცდელობა, წამოვიღოთ პარლამენტში და რეალურად გავუღვივოთ პარლამენტის წევრებს მათი კონსტიტუციური უფლებამოსილებები და პასუხისმგებლობა, იმ ქვეყნის წინაშე, რომელსაც ისინი წარმოადგენენ. ჩვენ ვცდილობთ ეს მთელი კამპანია აქეთკენ წავრმართოთ. ეს გასაღები პარტიის თავმჯდომარეს გამოვართვათ და წამოვიღოთ პარლამენტში. გვინდა დავარწმუნოთ ჩვენი კოლეგები იმაში, რომ სახელმწიფოს ინტერესები უფრო მეტია, ვიდრე პარტიის თავმჯდომარის სურვილი, რომ სასამართლო ჩაიდოს ჯიბეში ამ მახინჯი მოსამართლეების საშუალებით", - განაცხადა ლევან გოგიჩაიშვილმა.

ავტორი: ექსპრესნიუსი,

სოციალური ქსელები

Bloomberg: ევროკავშირი უკრაინაში Starlink-ის პრობლემების შემდეგ თავდაცვის გაძლიერებას განიხილავს:

კალაძე - რეალურად არ არსებობდა არანაირი ე.წ. NGO სექტორი და პოლიტიკური პარტიები, ეს იყო ერთი ძალა

700 დღე პროტესტი საქართველოში: დაღლასა და დანებებას შორის

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს