უკრაინის არჩეული პრეზიდენტი ვლადიმერ ზელენსკი დასასვენებლად თურქეთში გაემგზავრა

2019-04-26 13:12:10, 2776 ნახვა

მსოფლიო

უკრაინის ახლადარჩეული პრეზიდენტი ვლადიმერ ზელენსკი დასასვენებლად თურქეთში გაემგზავრა. ამის შესახებ ზელენსკიმ Facebook-ის საკუთარ გვერდზე დაწერა.

ახალმა პრეზიდენტმა სოციალურ ქსელში გამგზავრებამდე გადაღებული ფოტოც გამოაქვეყნა.

„თურქეთში მივემგზავრები. ბავშვები მიმყავს ყოველწლიურ ფესტივალზე. 2 დღეში დავბრუნდები. ოთხი თვის განმავლობაში ეს ჩემი პირველი შვებულებაა. ყველას გისურვებთ ჯანმრთელობას და ნორმალურ დასვენებას“, - წერს ვლადიმერ ზელენსკი.

ცნობისთვის, უკრაინაში გამართულ საპრეზიდენტო არჩევნებში შოუმენმა და მსახიობმა ვლადიმერ ზელენსკიმ გაიმარჯვა. აღსანიშნავია, რომ გამარჯვებული კანდიდატის გამოსავლენად მეორე ტურის დანიშვნა გახდა საჭირო, რომელიც 21 აპრილს გაიმართა. მეორე ტურში ერთმანეთს უკრაინის მოქმედი პრეზიდენტი პეტრო პოროშენკო და ვლადიმერ ზელენსკი დაუპირისპიდნენ. უკრაინული ცესკო-ს ცნობით, არჩევნებში ზელენსკიმ ხმების 73% მოიპოვა, ხოლო პოროშენკომ 24%.