შინაგან საქმეთა მინისტრის  ვახტანგ გომელაურის განცხადებით, „სუპერ პუმას“ ვერტმფრენებს სამაშველო ოპერაციაში ვერ გამოიყენებდნენ, რადგან ისინი VIP მომსახურებისთვის არის აღჭურვილი.

მისივე თქმით, „პუმას“ ვერტმფრენების გადაკეთებას პროცედურები სჭირდება.

„„სუპერ პუმებზე“ ეკონომიკის სამინისტროსთან მიდის მუშაობა. ეს არ არის იაფფასიანი ნივთი, რომ ერთ დღეში გაკეთდეს, რა თქმა უნდა, პროცედურები სჭირდება. „სუპერ პუმები“ სამაშველო ოპერაციაში ვერ იქნებოდა გამოყენებული იქიდან გამომდინარე, რომ რომ ეს „პუმები“ იყო VIP მომსახურების და არა სამაშველო. იმას არანაირი აღჭურვილობა არ აქვს, რომ გამოყენებული ყოფილიყო სამაშველოდ. ეს იყო ერთ-ერთი პიროვნების გადასაადგილებლად, ასე ვთქვათ, პირველი პირის, სავარაუდოდ, მაშინდელი პრეზიდენტის. იქ არის მოწყობილი სავარძლები. უმაღლეს დონეზეა აღჭურვილი ანუ კომფორტია ძალიან მაღალი. ამას ვერ გამოვიყენებდით ჩვენ ვერანაირად სამაშველო სამსახურისთვის, გამართული რომც ყოფილიყო. შემდგომში ის აუცილებლად უნდა აღიჭურვოს - ათასი მიმართულებაა, ვთქვათ, სამაშველოსი, არის იქ ე.წ. “ლიბიოდკები“ - ადამიანის ამოსაყვანი, პროჟექტორებია დასაყენებელი, რომლის ფუნქციებიც შეიძლება ღამე გამოიყენო. ვერტმფრენებს საერთოდ უჭირს, იშვიათია, რომ არის სპეცაღჭურვილობით, რათა ღამე იფრინოს. ეს ძალიან რთულია ქალაქში, სადაც ელექტროსადენები, ასევე ხეებია და ა.შ. რთულია ძალიან, დაბლა ვერ დაეშვება“, - აღნიშნა გომელაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტივენ კინგი - დონალდ ტრამპი - ბევრად უფრო საზარელია, ვიდრე ნებისმიერი მონსტრი, ბოროტმოქმედი თუ სულებით სავსე სასტუმრო

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს