24-30 აპრილს, ევროპის იმუნიზაციის კვირეული აღინიშნება.

აჭარის ჯანდაცვის სამინისტროს ინფორმაციით, ევროპული იმუნიზაციის კვირეულის მიზანია ვაქცინაციის ხელშეწყობა დაავადების პრევენციისა და სიცოცხლის გადარჩენისათვის.

2019 წლის კამპანია "ვაქცინაციის გმირებს" ეძღვნება - ადამიანებს, რომლებმაც ვაქცინაციის საშუალებით უამრავი სიცოცხლე გადაარჩინეს.

ვაქცინაციის გმირები არიან ჯანდაცვის თანამშრომლები, იმუნიზაციაზე პასუხისმგებელი პირები, ვაქცინატორები, მშობლები, რომლებიც დროულად ცრიან ბავშვებს, ყველა, ვინც დაინტერესებულია და იმუნიზაციის შესახებ ავრცელებს კვალიფიციურ ინფორმაციას ადამიანების ცნობიერების ამაღლების მიზნით. ეს კონცეფცია არის მსოფლიო იმუნიზაციის კვირეულის კამპანიის ნაწილი, რომელიც წელს იმართება დევიზით - "დავიცვათ ერთად: ვაქცინები მუშაობს!".

საქართველო 2007 წლიდან აქტიურად მონაწილეობს იმუნიზაციის კვირეულში და ახორციელებს სხვადასხვა სახის ფართომასშტაბიან საკომუნიკაციო ღონისძიებებს.

კვირეულის გახსნასთან დაკავშირებით, დღეს, აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე და მინისტრის პირველი მოადგილე ნინო ნიჟარაძე ვაქცინაციაზე პასუხისმგებელ სამედიცინო პერსონალს შეხვდნენ. "მოვუწოდებ მოქალაქეებს, რომ კვირეულის ფარგლებში კიდევ ერთხელ გადაამოწმონ თავიანთი აცრის სტატუსი და გამოტოვების შემთხვევაში ჩაიტარონ ვაქცინაცია, რათა დაცული იქნენ როგორც თვითონ, ასევე ოჯახის წევრები და გარემო" - განაცხადა ზაალ მიქელაძემ.

შეხვედრაზე ასევე განიხილეს აჭარის რეგიონში 2018 წელს ჩატარებული ვაქცინაციის შედეგები და მიმდინარე წლის პირველი კვარტლის მონაცემები.

იმუნიზაციის ევროპული კვირეულის ფარგლებში, აჭარის ავტონომიური რესპუბლიკის მოსახლეობის პროფილაქტიკური სამედიცინო მომსახურების სფეროში შეტანილი წვლილისათვის, ქ. ბათუმის N1 პოლიკლინიკის, საოჯახო მედიცინის რეგიონული ცენტრის, ქ. ბათუმის N4 პოლიკლინიკისა და ქობულეთის რეგიონული საავადმყოფოს ამცრელი კაბინეტების მედდებს სიგელი გადაეცათ.

მადლობის სიგელი მიიღო: მარინა გურგენიძემ, ანტონინა ფომენკომ, მარინა გირკელიძემ, გულო ლორთქიფანიძემ.

ჭარის საზოგადოებრივი ჯანდაცვის ცენტრი უერთედება ევროპის იმუნიზაციის კვირეულს შემდეგი ღონისძიებებით: 23 აპრილი 10.30 საათი - შეხვედრა ბათუმის სახელმწიფო უნივერსიტეტის (ბსუ) სტუდენტებთან და პროფესო-მასწავლებლებთან 12.00 საათი - შეხვედრა საზღვაო აკადემიის პროფესო-მასწავლებლებთან და კურსანტებთან 16.00 საათი - რადიო „კონტაქტში“ ასჯ წარმომადგენელი და მიწვეული პედიატრი 24 აპრილი 11.00 საათი - შეხვედრა აჭარის ტურიზმის დეპარატამენტში 25 აპრილი 15:00 საათი - შეხვედრა ევროკლუბის წევრებთან, თავისუფალ ჟურნალისტთა სახლში.

(NS)

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს