2019-04-18 19:34:04, 2062 ნახვა

---

საუდის არაბეთიდან გამოქცეული დები, რომლებიც დახმარებას ითხოვენ, შსს-ს მიგრაციის დეპარტამენტში გადაიყვანეს

შინაგან საქმეთა სამინისტრო საუდის არაბეთის მოქალაქეებთან დაკავშირებით განცხადებას ავრცელებს.

სამინისტროს ინფორმაციით, დებს მაჰა და ვაფა ალ-სუბაიებს, რომლებიც აცხადებენ, რომ საკუთარი ოჯახის წევრებისგან საფრთხე ემუქრებათ, მიგრაციის დეპარტამენტის თანამშრომლებმა საქართველოში თავშესაფრის მაძიებლის სტატუსის მისაღებად საჭირო პროცედურების შესახებ მიაწოდეს ინფორმაცია. უწყების ცნობით, ინფორმაციის მიღების შემდეგ ისინი მიგრაციის დეპარტამენტის ლტოლვილთა საკითხების სამმართველოს მიმღებ ცენტრში გადაყვანას დათანხმდნენ.

 „შინაგან საქმეთა სამინისტროს მიგრაციის დეპარტამენტის თანამშრომლები იმყოფებოდნენ მისამართზე, სადაც დები მაჰა და ვაფა ალ-სუბაიები დროებით ცხოვრობენ. სამართალდამცველების ვიზიტის მიზანი იყო მათთან გასაუბრება და უსაფრთხოების უზრუნველსაყოფად დახმარების შეთავაზება. ასევე ამ ქალბატონებს მიეწოდათ ინფორმაცია, მათი სურვილის შემთხვევაში, საქართველოში თავშესაფრის მაძიებლის სტატუსის მისაღებად საჭირო პროცედურების შესახებ.

შინაგან საქმეთა სამინისტროს მიგრაციის დეპარტამენტის თანამშრომლების მიერ ინფორმაციის მიწოდების და შესაბამისი განმარტებების მიღების შემდგომ, აღნიშნული პირები დათანხმდნენ მიგრაციის დეპარტამენტის ლტოლვილთა საკითხების სამმართველოს მიმღებ ცენტრში გადაყვანას თავშესაფრის მაძიებლობისთვის საქართველოს კანონმდებლობით გათვალისწინებული პროცედურების გასავლელად.

აქვე განვმარტავთ, რომ ის ოჯახის წევრები, რომლებზეც დები ალ-სუბაიები მიუთითებდნენ, რომ საფრთხე ემუქრებათ, საქართველოში არ იმყოფებიან“, - აცხადებენ სამინისტროში.

My father and brothers arrived in Georgia and they are looking for us.
We fled oppression from our family because the laws in Saudi Arabia is too week to protect us

we are seeking the UNHCR protection
In order to be taken to a safe country
Please help us to survive @Refugees pic.twitter.com/XJwStSGBIl

— georgia sisters (@GeorgiaSisters) 17 апреля 2019 г.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი