გახარია - შს სამინისტრო დეტალების დონეზე ხედავს, სწორად აფასებს სიტუაციას და აქვს კონკრეტული გეგმა

2019-04-01 10:17:16, 1439 ნახვა

სამართალი

გიორგი გახარიამ დანაშაულთან ბრძოლის კუთხით, შინაგან საქმეთა სამინისტროს მიდგომებზე ისაუბრა. შინაგან საქმეთა მინისტრის თქმით, პრობლემაა ის რისკები, რომელიც თითოეულ მოქალაქეს აქვს წვრილმანი დანაშაულის სახით, რის გადასაწყვეტადაც სამინისტრო კონკრეტულ ნაბიჯებს დგამს.

„ისეთ გამოვლენილ დანაშაულთან როგორიც არის ქურდობა, ოჯახური ძალადობა, კრიმინალური მენტალიტეტი -ჩვენ კონკრეტული ნაბიჯები გადავდგით და კონკრეტული საკანონმდებლო ცვლილებები შევთავაზეთ პარლამენტს, ზოგი უკვე მივიღეთ, ზოგის განხორციელების პროცესში ვართ. ეს არის უკვე აბსოლუტურად ჩამოყალიბებული სურათი და გზავნილი. შინაგან საქმეთა სამინისტრო დეტალების დონეზე ხედავს, სწორად აფასებს სიტუაციას და აქვს კონკრეტული გეგმა - რომელსაც ვახორციელებთ. რისკები ,რომლებიც ჩვენს თითოეულ მოქალაქეს აქვს, არ აქვს ჩვენთვის მნიშვნელობა ეს მსუბუქი, წვრილმანი დანაშაულია თუ რამე სხვა სახის, ჩვენთვის არის პრობლემა. იმიტომ, რომ ეს არის ჩვენი მოქალაქეების პრობლემა და ის აუცილებლად უნდა გადავწყვიტოთ“, - განაცხადა გიორგი გახარიამ.

(NS)

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან