გახარია - ჩვენ საქმეს ფორმალურად არ ვუდგებით, გვერდითი ეფექტით, ვის რა ვაწყენინეთ, ამის არც დრო გვაქვს და არც სურვილი

2019-04-01 10:15:53, 1462 ნახვა

სამართალი

გიორგი გახარიამ ტელეკომპანია იმედის პირდაპირ ეთერში ჟურნალისტების მიერ დასმულ შეკითხვებს უპასუხა. ერთ-ერთი კითხვა ეხებოდა მის მიმართ გამოთქმულ სხვადასხვა მწვავე შეფასებას, რაზეც შინაგან საქმეთა მინისტრმა განაცხადა, რომ ეს მას არ აინტერესებს.

„ბევრი ადამიანი ცდილობს ახლა გვებრძოლოს ჩვენ. მე არ ვსაუბრობ ახლა ჩემზე, მე წარმოვადგენ გარკვეულ გუნდს და გარკვეულ უწყებას. ახლა ჩვენ როდესაც ჩვენ საქმეს ფორმალურად არ ვუდგებით, გვერდითი ეფექტით ვის რა ვაწყენინეთ - ამის არც თვალყურის დევნების დრო გვაქვს და სიმართლე, რომ გითხრათ არც დიდი სურვილი. ვიღაცას რაღაცა თუ ვაწყენინეთ - ბოდიში. თუმცა კიდევ ერთხელ ვიმეორებ, რომ კრიტიკა რომელიც არის ობიექტური და დასაბუთებული, რამდენად მწვავეც არ უნდა იყოს, ამის არც არასდროს შეგვშინებია და არც ახლა არ გვეშინია. ჩვენ თუ ამაზე მგრძნობიარე გავხდით, მერწმუნეთ, რომ ბევრ დროს დავკარგავთ“, - აღნიშნა გიორგი გახარიამ.

(NS)

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან