2019-03-14 19:13:05, 1027 ნახვა

---

სამადაშვილი ზალკალიანს - ცოტა დრო დაუთმეთ რუსეთზე საუბარს - ეს მაგონებს ბავშვს, რომელიც ურჩხულს ხედავს და თვალებს ხუჭავს

 „ჩემი გაოცება გამოიწვია იმან, თუ მართლაც რაოდენ ცოტა დრო დაუთმეთ რუსეთზე საუბარს. მე ეს მაგონებს ბავშვის სტრატეგიას, რომელიც ურჩხულს ხედავს და თვალებს ხუჭავს, იმიტომ, რომ არ იცის როგორ გაუმკლავდეს ამ გამოწვევას“, - ამ სიტყვებით მიმართა ფრაქცია „ნაციონალური მოძრაობის“ თავმჯდომარის მოადგილემ, სალომე სამადაშვილმა საგარეო საქმეთა მინისტრს, დავით ზალკალიანს პარლამენტში გამოსვლისას.

საამდაშვილმა მინისტრს მიმართა, არის თუ არა იმის დრო, რომ საქართველომ, როგორც სახელმწიფომ საუბარი დაიწყოს რუსეთთან სანქციების რეჟიმის დაწესებაზე.

„საქართველოს მეგობრის მიერ დაწერილი რეზოლუციაც კი, როგორიც მიიღო ევროპარლამენტმა და დაწერა საქართველოს ძალიან დიდმა მეგობარმა, არ საუბრობს სანქციებზე საქართველოსთან მიმართებაში იმიტომ, რომ ამაზე არ საუბრობს საქართველოს ხელისუფლება, სანამ არ ისაუბრებს ამაზე საქართველოს ხელისუფლება, ამას არავინ სხვა არ გააკეთებს.

მე მიჩნდება შთაბეჭდილება, რომ კარასინი-აბაშიძის ფორმატის არსებობა, პირიქით, განსაკუთრებულ მნიშვნელობას ანიჭებს რუსეთთან ურთიერთობებს. თქვენი შეფასება, ხომ არ უნდა შეწყდეს საერთოდ ეს შეხვედრები, როგორც სიგნალი იმის, რომ ძალიან მძიმედ არის ვითარება რეალურად იმიტომ, რომ რუსეთი ხან ხალხს გვიხოცავს, ხან თითს გვიქნევს და მუშტს გვიღერს, რომ არც გაბედოთ ევროატლანტიკურ ინტეგრაციაზე ფიქრიო.

ინსტიტუციურ დემოკრატიაზე - იცით, რუსეთში არსებობს სუვერენული დემოკრატიის ცნება და თქვენ ახლა ინსტიტუციურ დემოკრატიას თუ დაარქმევთ დემოკრატიას, ეს არაფერს არ შეცვლის იმაში, რომ დემოკრატიის ძალიან საწყისი და მნიშვნელოვანი, ერთადერთი მთავარი პრინციპი არის, რომ ადამიანებს უნდა მიეცეთ თავისუფლება არჩევანის არჩევნებში. მსგავსი შეფასებები უქმნის თუ არა საფრთხეს საქართველოს ევროატლანტიკურ მომავალს, როგორიც არის ეუთოს დასკვნა“,  - განაცხადა სამადაშვილმა.

 

---

ავტორი: ,

---

დღის თემა

მთავარი თემა

ინტერვიუ - ექსკლუზივი