პარლამენტის პლენარული სხდომა, სადაც საქართველოს პრეზიდენტი სალომე ზურაბიშვილი დეპუტატების წინაშე მოხსენებით პირველად უნდა წარსდგეს, "ევროპულმა საქართველომ" პროტესტის ნიშნად დატოვა. 

პარტიის წარმომადგენლებმა სხდომას ბოიკოტი გამოუცხადეს. 

„იმის გამო, რომ „ევროპული საქართველოს“ აზრით, წინა ჩატარებული საპრეზიდენტო არჩევნების დროს ივანიშვილის ხელისუფლებამ მიმართა ამომრჩევლების მასობრივ მოსყიდვას, ძალადობას და კრიმინალური სამყაროს დახმარებას, ხმის მიცემის პროდურის მასობრივ დარღვევას, რიგ შემთხვევებში ბიულეტინების პირდაპირ ჩაყრას და ამის გამო არავინ დღემდე დასჯილი არ არის. იმის გამო, რომ ივანიშვილის ხელისუფლებამ, განსაკუთრებით მეორე ტურის წამოწია შავრაზმული, პრო-პუტინული ძალები და აწარმოა სიძულვილისა და დაშინების კამპანია, იმის გამო, რომ ამ ყველაფერმა შეურაცხყოფა მიაყენა ჩვენს ამომრჩეველს და საზოგადოებას, შელახა ჩვენი კონსტიტუციის ფინდამენტური პრინციპები და უფლებები და დააზიანა ჩვენი ქვეყნის საერთაშორისო ავტორიტეტი და იმის გამო, რომ ქალბატონი ზურაბიშვილი სწორედ ამ პროცესის შედეგად არის მოხვედრილი და თავად იქცა სიმბოლოდ ამ ყველაფრის, ამ ყველაფრის გამო „ევროპული საქართველო“ იყენებს საკუთარ უფლებას - ბოიკოტის გამოხატვის, არ დაესწრება ამ სხდომას და ტოვებს დარბაზს“, - განაცხადა გიგა ბოკერია.

ცნობისთვის, სხდომას ბოიკოტი კიდევ ერთმა ოპოზიციურმა პარტიამ "ნაციონალურმა მოძრაობამ" გამოუცხადა. 

ავტორი: ,

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა