ვიზალიბერალიზაციასთან დაკავშირებით, რაიმე რისკს ვერ ვხედავ, თუ საქართველოს ხელისუფლება და საზოგადოება მცირედ ხარვეზებს გამოასწორებს, - ამის შესახებ ევროკომისარმა იოჰანეს ჰანმა ბრიუსელში, ასოცირების საბჭოს სხდომის დასრულების შემდეგ განაცხადა.

მან ქართულ მედიას მოუწოდა, მოქალაქეების ინფორმირება მოახდინონ იმის თაობაზე, რომ ევროპაში თავშესაფარს ვერ მოიპოვებენ. ჰანის განმარტებით, აღნიშნულის მიზეზი ისაა, რომ საქართველო უსაფრთხო ქვეყნად მიიჩნევა.

„ვიზალიბერალიზაცია იყო ერთ-ერთი კონკრეტული მიღწევა და ვერ ვხედავ რაიმე რისკს, თუ საქართველოს ხელისუფლება და საზოგადოება გარკვეულ ხარვეზებს გამოასწორებს. ძალიან მნიშვნელოვანია მედიის როლიც ამ მიმართულებით, რადგან მედიამ უნდა მოახდინოს საზოგადოების ინფორმირება, რომ თავშესაფრის ძიება არ იქონიებს შედეგს ევროკავშირში, იმიტომ რომ საქართველო მიიჩნევა უსაფრთხო ქვეყნად. რადგან ვიზალიბერალიზაციის ფარგლებში 600 000 ადამიანი შემოვიდა ჩვენს ტერიტორიაზე და მხოლოდ რამოდენიმე ათასი აკეთებდა განაცხადს თავშესაფარზე, ეს მასშტაბები თავისას ამბობს. მინდა მოგიწოდოთ, მედიის წარმომადგენლებმა თქვენი შესაძლებლობები გამოიყენოთ და საზოგადოებას აცნობოთ, რომ ევროპაში თავშესაფარს ვერ მოიპოვებენ“, - განაცხადა იოჰანეს ჰანმა.

ავტორი: ,

სოციალური ქსელები

ISFED: „ქართულმა ოცნებამ“ 2025 წელს ყველა სხვა პარტიაზე მეტი — 26.5 მილიონი ლარი მიიღო

ოლიმპიურმა ჩემპიონმა და ყოფილმა დეპუტატმა ზურაბ ზვიადაურმა საპატიმრო დატოვა

ბრიტანეთმა რუსეთის წინააღმდეგ ახალი სანქციები დააწესა უკრაინაში ომისა და სომხეთის არჩევნებში ჩარევის მცდელობის გამო

მეუფე შიო - მრავალჯერ გვიფიქრია, როგორ გაუმკლავდეს ეკლესია თანამედროვე გამოწვევებს