2019-02-27 17:52:18, 1245 ნახვა

---

თალაკვაძე - ენმ-ს, „ევროპულ საქართველოს“ და „რ2“-ს არ აქვს „ჩათი“?! ეტყობა განვითარების ტემპებს ჩამორჩებიან

 „რეალურად ჩვენ ვხედავთ რომ პოლიტიკური ექშენის თვალსაზრისით  არის სრული პანდემია“, -ამის შესახებ საპარლამენტო უმრავლესობის ლიდერმა აჩილ თალაკვაძემ ტელეკომპანია იმედის თოქ-შოუში „პირისპირ" განაცხადა.

მისივე თქმით, გაუგებარია თუ რატომ აქცევენ ოპონენტები უმრავლესობის წევრების „ჩათის“ არსებობას სკანდალურ თემად.

„დღეს მოვიდნენ ჩემთან სკანდალური ტონით და დაზუთხული შეკითხვით, როგორც გავიგეთ უმრავლესობას ჩათი აქვსო თურმეო და ამაზე რა კომენტარს გააკეთებთო. „მეგობრებო, სკოლაშიც, მე მგონი უკვე ბაღშიც კი, ყველას აქვს ჩათი ყველა სარგებლობს ამ მესინჯერებით, ყველა კომპანიაში,საჯარო უწყებაში თუ სამეგობროში ეს ჩათი არსებობს თუ „ნაციონალურ მოძრაობას" ან „ევროპულ საქართველოს" ესეთი ჩათი არ აქვს, ან „რუსთავი ორს“ არ აქვს ესეთი ჩათი, რა ვქნათ ეხლა ეტყობა ისინი ჩამორჩებიან განვითარების ტემპებს.  რა არის ამაში სკანდალური თუ ეს პოლიტექშენი არ არის და თუ მართლა პანდემიური დამოკიდებულება არ არის საკითხთან, რა სკანდალური აბავი ეს არის რომ რაღაც ჩათი ჰქონდეს რომელიმე ორგანიზაციას. დღეს შვიდი კითხვა დამისვეს ამაზე“,  - განაცხადა არჩილ თალაკვაძემ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი