2019-02-26 11:58:11, 1118 ნახვა

---

პრემიერი: ვერ გვექნება დიპლომატიური ურთიერთობები რუსეთთან, ვიდრე ის ჩვენი ტერიტორიების ოკუპაციას ახორციელებს

"ჩვენ არ გვაქვს და ვერ გვექნება დიპლომატიური ურთიერთობები რუსეთის ფედერაციასთან მანამ, სანამ ის ჩვენი ტერიტორიების ოკუპაციას ახორციელებს,- ამის შესახებ პრემიერ-მინისტრმა მამუკა ბახტაძემ განაცხადა.

პრემიერის განცხადებით, აბასიძე-კარასინის ფორმატი ჰუმანიტარული და ეკონომიკური საკითხების განსახილველად შეიქმნა.

„უკვე რამდენიმე წელია, რაც კარასინი-აბაშიძის ფორმატი არსებობს და ყველას გვახსოვს, რატომაც შეიქმნა ეს ფორმატი. მას ძირითადად ეკონომიკური და ჰუმანიტარული განზომილება ჰქონდა იმ სხვა ფუნდამენტურ პრობლემებთან ერთად, რომელიც არსებობს. ჩვენ არ გვაქვს და ვერ გვექნება დიპლომატიური ურთიერთობები რუსეთის ფედერაციასთან მანამ, სანამ ის ახორციელებს ჩვენი ტერიტორიების ოკუპაციას. ეს არის ძალიან პრინციპული საკითხი“, - განაცხადა ბახტაძემ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი