დემოკრატმა ელიზაბეტ უორენმა აშშ-ს საპრეზიდენტო არჩევნებში საკუთარი კანდიდატურა წარადგინა

2019-02-10 12:24:43, 3976 ნახვა

მსოფლიო

დემოკრატმა სენატორმა, ელიზაბეტ უორენმა ამერიკის შეერთებული შტატების 2020 წლის საპრეზიდენტო არჩევნებისთვის საკუთარი კანდიდატურა ოფიციალურად წარადგინა.

სენატორმა, ელიზაბეტ უორენმა წინასაარჩევნო კამპანია უკვე დაიწყო, რომლის ფარგლებშიც 69 წლის პოლიტიკოსი ქალაქ ლოურენსში მხარდამჭერებს შეხვდა.

წინასაარჩევნო კამპანიის პირველ შეხვედრაზე სენატორმა მოქმედი პრეზიდენტი, დონალდ ტრამპი გააკრიტიკა. პოლიტიკოსის თქმით, თეთრი სახლის მოქმედი ლიდერი საკუთარი ქმედებებით ქვეყანას ზიანს აყენებს.

„ადამიანი, რომელიც ახლა თეთრ სახლში იმყოფება, ამერიკაში არსებული ფალსიფიცირებული სისტემის შედეგია, რომელიც მხარს უჭერს მდიდრებს და ძლიერებს“, – განაცხადა სენატორმა მხარდამჭერებთან შეხვედრის დროს.

69 წლის ელიზაბეტ უორენი წარსულში იურისპრუდენციის ლექტორი იყო. სენატორად კი პირველად 2012 წელს აირჩიეს. ამ მომენტისთვის უორენი დემოკრატიული პარტიის ერთ-ერთი ყველაზე ცნობილი კანდიდატია.

უორენის გადაწყვეტილებას აშშ-ის პრეზიდენტი დონალდ ტრამპი Twitter -ზე გამოეხმაურა.

"წინასაარჩევნო კამპანიის დაწყებამდე, ლიზ!" - დაწერა აშშ-ს პრეზიდენტმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები