ბულგარეთის პრეზიდენტი: მხარს ვუჭერთ ჰიდროელექტროსადგურების მშენებლობის გეგმას, რომელიც საქართველოს გააჩნია

2015-06-17 16:17:20, 438 ნახვა

პოლიტიკა

მხარს ვუჭერთ ჰიდროელექტროსადგურების მშენებლობის გეგმას, რომელიც საქართველოს გააჩნია,-ამის შესახებ საქართველოში ვიზიტად მყოფმა ბულგარეთის პრეზიდენტმა როსენ პლევნელიევმა ქართველ კოლეგასთან ერთად გამართულ პრესკონფერენციაზე განაცხადა.

„ჩვენ გვსურს, ქართველმა ხალხმა ივაჭრონ თავისუფლად, იმოგზაურონ თავისუფლად ევროპის ქვეყნებში. მივესალმები იმ მნიშვნელოვან პროგრესს, რომელიც საქართველომ ვიზა ლიბერალიზაციის გზაზე განიცადა და რასაც ვიზალიბერალიზაციისკენ მივყავართ. ორმხრივ დონეზე ჩვენ ვხედავთ სიტუაციის გაუმჯობესებას.გვიხარია, რომ ჩვენი ორმხრივი ვაჭრობა ძლიერდება, თავის საზღვრებს აფართოვებს. ბულგარეთს სურს, გაიზარდოს პოტენციალი როგორც ბათუმის, ისე ფოთის პორტის. მხარს ვუჭერთ ჰიდროელექტროსადგურების მშენებლობის გეგმას, რომელიც საქართველოს გააჩნია. ვუჭერთ მხარს სატრანსპორტო პოტენციალის გაძლიერებას“,-განაცხად ბულგარეთის პრეზიდენტმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან