ფრაქცია "საქართველოს პატრიოტების" წევრი დავით ჭიჭინაძე აცხადებს, რომ გუშინ, გვიან ღამით, სოციალურ ქსელებში საპარლამენტო უმრავლესობის წევრის ეკა ბესელიას პირადი ცხოვრების ამსახველი კადრები გავრცელდა.

დეპუტატმა კადრების გავრცელება მოსამართლეების საკითხთან დააკავშირა და აღნიშნა, რომ "ასეთი ბინძური მეთოდებით მათ ებრძვიან, ვინც მოსამართლეების უვადოდ გამწესების წინააღმდეგი იყო".

დავით ჭიჭინაძემ სამართალდამცავ ორგანოებს მოუწოდა მომხდარი ფაქტი დროულად გამოიძიონ.

"გუშინ ღამე სხვადასხვა საშუალებებით დაიწყეს გავრცელება ქალბატონი ეკა ბესელიას პირადი ცხოვრების ამსახველი კადრების. ეს იმდენად ბინძური საქციელია, რომ შინაგან საქმეთა სამინისტრო, პროკურატურა, უშიშროება უნდა დაინტერესდეს, თუ საიდან მოდის ეს ყველაფერი. ეს პირდაპირ ურტყავს "ქართულ ოცნებას". როგორც კი, გავრცელდა გუშინ, რომ მსამართლეების უვადო დანიშნვა გადაიდებოდა, დღეს ჩვენ ვხედავთ, რომ გიორგი მიქაუტაძე, სასწრაფოდ ცდილობს, გამწესდეს სააპელაციო სასამართლოში, ისევე როგორც ლევან მურუსიძე და შესაბამისად იმ ადამიანების წინააღმდეგ ხდება დისკრედიტაცია, ვინც მომხრე იყო ამ საკითხის გადადების. პროოკურატურა ამისთის, არსებობს, რომ გამოიძიოს. სიბინძურე, რომელიც გავრცელდა სოციალური ქსელებით, კიდევ ერთხელ მიანიშნებს, რომ რაც აქამდე ხდებოდა და დაუსჯელი დარჩა, ეს აძლევს ხალხს იმის საშუალებას, რომ ანგარიშები ასწორონ ასეთი ბინძური მეთოდებით", - განაცხადა დავით ჭიჭინაძემ.

ავტორი: ,

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა