„ყველა ადამიანი გამოდის და ერთი და იგივე რამეს ამბობს. დღეს დავრწმუნდი, რომ ეს არის „კლანი“, - ამ სიტყვებით იუსტიციის უმაღლესი საბჭოს არამოსამართლე წევრმა, ნაზი ჯანეზაშვილმა, მოსამართლეთა რიგგარეშე კონფერენციაზე სიტყვით გამოსვლისას მოსამართლეებს მიმართა.

ჯანეზაშვილის ამ განცხადებას უარყოფითი რეაქციები მოჰყვა.

მოსამართლეთა ნაწილი ითხოვდა, მისთვის მიკროფონი გაეთიშათ და ტრიბუნიდან ჩამოეყვანათ

„დღეს ჩემი გამოსვლა დაუგეგმავია. ჩემთვის მეტ-ნაკლებად ცხადი იყო თუ რას ეძღვნებოდა დღევანდელი კონფერენცია,მაგრამ გულწრფელად,რომ ვთქვა ჩემს მოლოდინს გადააჭარბა, რადგან არ მეგონა ამდენი ადამიანი შეიკრიბებოდა იმისთვის, რომ ჩემი და ანა დოლიძის მიმართ გამოეთქვა დაუსაბუთებელი კრიტიკა და ხშირ შემთხვევაში მოსამართლისთვის შეუფერებელი მოსაზრებები.  მე არც ერთი მოსამართლე არასდროს გამიკირტიკებია მისი კონკრეტული გადაწყვეტილებების გამო და მიმაჩნია, რომ მოსამართლე უნდა იყოს დამოუკიდებელი და ამას ხელს უნდა უწყობდეს იუსტიციის საბჭო და რა თქმა უნდა, მთელი საზოგაოდება. მაგრამ დღეს სამწუხაროდ ვხედავ, რომ ყველა ის ადამიანი ვინც აქ იმყოფება, არის ერთ აზრზე. ეს არის ჩემი მოსაზრება და გულისტკივილი, როგორც ერთი მოქალაქის. მიუხედავად ამისა, მაინც მჯეროდა, რომ მოვისმენდი განსხვავებულ მოსაზრებებს, მაგრამ ძალიან ვწუხვარ,რომ აქ ვხედავ იგივე ვითარებას, რაც ხდება იუსტიციის უმაღლეს საბჭოში“, - განაცხადა ნაზი ჯანეზაშვილმა.

ამასთან, იუსტიციის უმაღლესი საბჭოს არამოსამართლე წევრმა სიტყვით გამოსვლისას თქვა, რომ მოსამართლეთა დღევანდელ კონფერენციაზე განსხვავებული აზრი არ გაჟღერებულა.

„ვხედავ, რომ განსხვაებული აზრი  სისტემაში არ არსებობს და ვხედავ, რომ ვნახე, რომ ტაშს უკრავთ ისეთ ადამიანებს, რომლებიც ზიანს აყენებენ სასამართლო სისტემას.

თქვენ არ უნდა გქონდეთ პრეტენზიები ჩემ მიმართ, მე და ანა დოლიძეც ვართ უმცირესობაში, ჩვენ ვერ ვიღებთ გადაწყვეტილებებს.  ყველა ადამიანი გამოდის და ერთი და იგივე რამეს ამბობს. დღეს დავრწმუნდი, რომ ეს არის „კლანი“, - მიმართა მოსამართლეებს ნაზი ჯაეზაშვილმა.

ავტორი: ,

სოციალური ქსელები

ფინეთისა და ნორვეგიის ლიდერებმა პუტინს აცნობეს ზელენსკის მზადყოფნის შესახებ, პირად შეხვედრაზე განიხილოს ტერიტორიული საკითხი

პენტაგონმა ბალტიისპირეთის ქვეყნებს მოუწოდა, თავი შეიკავონ რუსეთის წინააღმდეგ მკაცრი განცხადებებისგან

ბათუმში მაღაზია გაქურდეს – დააკავეს ორი არასრულწლოვანი

ნორვეგიის ჰელსინკის კომიტეტი - ჩვენ ვგმობთ „ქართული ოცნების“ მცდელობას, საკონსტიტუციო სასამართლოს მეშვეობით აკრძალოს ხუთი ოპოზიციური პარტია