საქართველოს პრემიერ-მინისტრმა ირაკლი ღარიბაშვილმა მედიას მოუწოდა, სიტყვა "ევაკუაცია" არ გამოიყენონ. როგორც ღარიბაშვილმა აღნიშნა, მოსალოდნელი ამინდის გაუარესების გამო, სამუშაოების შეჩერების,  სტიქიის ზონებიდან  სპეცტექნიკისა და მომუშავე ადამიანების გაყვანის გადაწყვეტილება მიიღეს.
"მინდა, გთხოვოთ ყველას, მედიას, რომ სიტყვას- ევაკუაცია ნუ გამოიყენებთ, ასეთ საპანიკო სიტყვებს ნუ იტყვით,  მანამ, სანამ ოფიციალური სტრუქტურის წარმომადგენელი არ გააკეთებს კომენატრს.ვინაიდან დღეს ამინდი შეიცვალა, არის მოსალოდნელი წვიმა, უსაფრთხოების მიზნებიდან გამომდინარე, მივიღეთ გადაწყვეტილება, საგანგებო შტაბმა მიიღო, რომ დროებით სამუშაოები შეჩერდეს, მოხალისეები და ტექნა იქნას ამოყვანილი კრიტიკული ზონებიდან",-განაცხადა ირაკლი ღარიბაშვილმა.
მისივე თქმით, მაღალი ალბათობით, სტიქიის გამომწვევ მიზეზებს პროკურატურა შეისწავლის.
"იმ მიზეზების შესწავლა უნდა მოხდეს, რის გამოც მოხდა ყველაფერი,  ვერეს ხეობის შესწავლა უნდა მოხდეს და მაღალი ალბათობით,  ამ საკითხს  პროკურატურა შეისწავლის",-აღნიშნა ირაკლი ღარიბაშვილმა.
ცნობისთვის, ამინდის მოსალოდნელი გაუარესების გამო, უსაფრთხოების მიზნით, სამუშაოები შეჩერებულია და ვერეს ხეობიდან, სვანიძის ქუჩიდან და გმირთა მოედნიდან მომუშავე ადამიანები გაიყვანეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთში ხმებს ითვლიან, ლიდერობს ოპოზიციური Tisza

უნგრეთში ხმის მიცემა შეწყდა, ამომრჩეველთა აქტივობა 77.80% იყო, რაც აბსოლუტური რეკორდია ქვეყნის ისტორიაში

სააღდგომო ზავი“ - როგორ არღვევენ და იყენებენ მას რუსები - Deep State

ტრამპმა განაცხადა, რომ აშშ ჰორმუზის სრუტეს გადაკეტავს