თბილისის საქალაქო სასამართლომ ბარნოვის ქუჩაზე, 25 წლის თამარ გამრეკელაშვილის მკვლელობაში ბრალდებულ მამინაცვალს, ვეფხია ბაქრაძეს უვადოდ თავისუფლების აღკვეთა მიუსაჯა.

რაც შეეხება დანაშაულის შეუტყობინებლობისთვის დაკავებულ თეიმურაზ ბაქრაძეს, მას 2 წლით თავისუფლების აღკვეთა მიესაჯა.

როგორც მოკლულის დედამ, ნათია გაბოძემ განაცხადა, მოსამართლემ სწორი გადაწყვეტილება მიიღო.

“რა თქმა უნდა სწორი გადაწყვეტილება მიიღო მოსამართლემ, პროკურატურამ, გამოძიებამ. დიდი მადლობა მინდა ვუთხრა, რომ სწორად წაიყვანეს რაც შეეხებოდა ამ პროცესს. სწორი გათვლა გააკეთეს. კანონი არსებობს“, - განაცხადა ნათია გაბოძემ.

შეგახსენებთ, რომ  13 აპრილს, ბარნოვის ქუჩაზე 25 წლის ქალს, მცირეწლოვანი შვილების თანდასწრებით ყელი გამოჭრეს, რის შედეგადაც ის ადგილზე გარდაიცვალა. მომხდართან დაკავშირებით, შსს-მ 14 აპრილს, მოკლულის მამინაცვალი, ვეფხია ბაქრაძე დააკავა.

ავტორი: ,

სოციალური ქსელები

„თეგეტამ“ საგზაო-სამშენებლო სექტორის წარმომადგენლებს ბიზნესის მხარდაჭერის კონცეფცია გააცნო

დიდი ბრიტანეთი თავდაცვის ბიუჯეტს დამატებით 15 მილიარდი გირვანქით ზრდის

თამარ ლორთქიფანიძეს საპროცესო შეთანხმება გაუფორმდა

წარმატებული მოლაპარაკებები ბიზნესში - გაიარე სრულად დაფინანსებული ბიზნესკურსი