პრემიერ–მინისტრის ირაკლი ღარიბაშვილის შეფასებით, სტიქიის შედეგად დაზიანებული ქუჩების მოწესრიგების მიზნით მოქალაქეთა უპრეცედენტო რაოდენობამ დახმარების სურვილი გამოთქვა და ამისთვის მათ მადლობა გადაუხადა.

თუმცა, როგორც პრემიერმა  მთავრობის ადმინისტრაციაში, თბილისში სტიქიის შედეგების სალიკვიდაციოდ შექმნილი საგანგებო შტაბის სხდომაზე განაცხადა, ადგილზე მობილიზებულია შესაბამისი სამსახურები და მოხალისეთა დიდმა რაოდენობამ, შესაძლოა მიმდინარე სამუშაოებს ხელი შეუშალოს.

„მოქალაქეებმა უპრეცედენტო სოლიდარობა გამოამჟღავნეს. მინდა ყველას დიდი მადლობა გადავუხადო. თუმცა, მოხალისეთა რაოდენობა საკმარისია. მთელი სამინისტროებია მობილიზებული, ასევე თბილისის მერია, საკმარისი ძალა გვყავს მობილიზებული, ჩვენ არ გვინდა ისე, რომ  მოსახლეობა მოვიდეს და მათ არ ქონდეთ კონკრეტული ფუნქცია. ამან შეიძლება, პირიქით, კიდევ უფრო გაართულოს სამუშაოები და ხელი შეუშალოს მას.  მინდა კიდევ ერთხელ მადლობა გადავუხადო მათ და თუ დაგვჭირდება ჩვენ, მთავრობა მიმართვს თხოვნით მოქალაქეებს, რომ ჩაერთონ ამ სამუშაოებში. ამ ეტაპისთვის საკმარისი ძალა გვაქვს“, – აღნიშნა ღარიბაშვილმა.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა