რუსული სამხედრო ხომალდები უკრაინული გემის დევნისას ერთმანეთს დაეჯახნენ

2018-11-26 19:41:57, 2858 ნახვა

მსოფლიო

უკრაინის საჰაერო ძალებმა რუსი სამხედროების აუდიოჩანაწერი გამოაქვეყნა.

ჩანაწერში სამხედროები ქერჩის სრუტეში თავდასხმის შესახებ საუბრობენ.

საუბრიდან დგინდება, რომ რუსული სამხედრო ხომალდები უკრაინული გემის დევნისას, ერთმანეთს დაეჯახნენ. სამხედროები ამბობენ, რომ ამით მათ სერიოზული პრობლემები შეექმნებათ.

შეგახსენებთ, რომ ქერჩის სრუტეში რუსმა სამხედროებმა უკრაინის სამ სამხედრო კატერს ცეცხლი გაუხსნეს და ხომალდები დაატყვევეს. კიევის ცნობით დაჭრილია ექვსი უკრაინელი სამხედრო. კიევი აცხადებს, რომ ორი ბრონირებული კატერი და ბუქსირი ოდესიდან მარიუპოლში მიცურავდნენ, რის შესახებაც რუსები ინფორმირებული იყვნენ. მოსკოვის მტკიცებით კი, უკრაინელებმა საზღვარი დაარღვიეს. მოგვიანებით, უკრაინის ფლოტის პრეს-ცენტრმა განცხადება გაავრცელა, სადაც ნათქვამია, რომ ბრონირებული საარტილერიო კატერებს - „ბერდიანსკსა" და „ნიკოპოლს", ასევე სარეიდო ბუქსირ "იანი-კაპუს" რუსეთმა ცეცხლი გაუხსნა და დაატყვევა.