ილია მეორე: ზოოპარკი დაარსდა ტაძრების და მონასტრების ფასად, ამიტომ ამ ადგილზე ვერ გაიხარებს

2015-06-14 13:59:42, 497 ნახვა

საზოგადოება

„ეს ზოოპარკი დაარსდა ტაძრებისა და მონასტრების ფასად, ამიტომ ამ ადგილზე ვერ გაიხარებს“,-ამის შესახებ სრულიად საქართველოს კათოლიკოს პატრიარქმა უწინდესმა და უნეტარესმა ილია მეორემ საკვირაო ქადაგებაზე განაცხადა.
როგორც უწმინდესმა ბრძანა, თბილისის ზოოპარკი სხვა ადგილას უნდა იყოს გადაიტანილი.
„საქართველოში მოხდა საშინელი ტრაგედია. დაიღუპა ხალხი. განადგურდა ზოოპარკი. ცხოველები თავისი ადგილებიდან გადმოვიდნენ და ადამიანებისთვის საშიში გახდნენ“,-აღნიშნა უწმინდესმა.
ამასთან, საკვირაო ქადაგებაზე პატრიარქმა ზოოპარკის დაარსების ისტორიაზე ისაუბრა და აღნიშნა, რომ თბილისის ზოოპარკი კომუნისტების მოსვლის დროს ტაძრების და მონასტრების ზარების ფასად შეიქმნა.
„თქვენ ალბათ არც გახსოვთ, რომ რამდენიმე წლის წინ იყო მცირე ინფორმაცია ზოოპარკის შესახებ. როცა კომუნისტები საქართველოში შემოვიდნენ და ქრისტიანების და სამღვდელოების დევნა, ასევე ეკლესია-მონასტრების ნგრევა დაიწყებს, დაიწერა ბრძანება, რომ მონასტრებიდან და ტაძრებიდან ჩამოეყარათ ზარები, გადაედნოთ და ამ ფულით, რასაც მოიპოვებდნენ, ზოოპარკი დაარსებულიყო. ასე რომ, ზოოპარკი დაარსდა ტაძრებისა და მონასტრების ზარების ფასად, ამიტომ ეს ზოოპარკი ვერ გაიხარებს. ზოოპარკი უნდა გაუქმდეს და სხვაგან ახალი ზოოპარკი დაარსდეს, რადგან ეს ზოოპარკი ცოდვაზეა დაარსებული“,-განაცხადა ილია მეორემ.