|
2018-11-21 12:22:35, 1032 ნახვა
პოლიტიკა
„ევროპული საქართველო“ გორის ახალგაზრდული ორგანიზაციის თავმჯდომარემაც დატოვა
„ევროპულ საქართველოს“ პარტიის წევრები კვლავ ტოვებენ. არჩევნებამდე ერთი კვირით ადრე, პარტიისგან გამიჯვნის შესახებ განცხადება, ამჯერად „ევროპული საქართველოს“ გორის ახალგაზრდული ორგანიზაციის თავმჯდომარემ - ლევან ბაგრმა გააკეთა. ამ გადაწყვეტილების მიღების მიზეზად, მისი ყოფილი თანაგუნდელების მსგავსად, არჩევნების მეორე ტურისთვის „ნაციონალური მოძრაობის“ პრეზიდენტობის კანდიდატისთვის მხარდაჭერა დაასახელა: „მე ვტოვებ „ევროპული საქართველოს“ რიგებს, რადგან ჩემთვის მიუღებელია „ნაციონალური მოძრაობის“ მხარდაჭერა. დღეიდან, ვემიჯნები პოლიტიკას და ვაპირებ, მთლიანად ჩავეხსნა ამ სიტუაციას. მინდა აღვნიშნო, რომ მე წარსულში ვიყავი „ნაციონალური მოძრაობის“ წევრი და დავტოვე ეს პარტია განსხვავებული შეხედულებების გამო. ვფიქრობდი, რომ „ევროპული საქართველო“ „ნაციონალური მოძრაობისგან“ განსხვავებული, სხვა ძალა იყო, თუმცა ეს ასე არ აღმოჩნდა. შესაბამისად, მივიღე ეს გადაწყვეტილება,“ - განაცხადა „ევროპული საქართველოს“ გორის ახალგაზრდული ორგანიზაციის ახლა უკვე ყოფილმა თავმჯდომარემ. აღსანიშნავია, რომ რამდენიმე დღის წინ, „ევროპული საქართველოს“ რიგები პარტიის გორის ორგანიზაციის ერთ-ერთმა ლიდერმა და გორის მუნიციპალიტეტის საკრებულოს წევრმა - ზვიად საბანაძემ 10-მდე სხვა აქტივისტთან ერთად დატოვა. ბოლო დღეების განმავლობაში, „ნაციონალურ მოძრაობასთან“ კავშირის გამო, „ევროპული საქართველოს“ რიგებიდან წასვლის შესახებ განცხადებები, შიდა ქართლის გარდა, თბილისში, კახეთსა და სამეგრელოში გაკეთდა.
პუტინს სჯერა რომ უკრაინაში აგრესიულ ომს მალე დაასრულებს და უკრაინის შეიარაღებულ ძალებს გაანადგურებს
ჟურნალისტ მთივლიშვილზე თავდასხმის ფაქტზე შსს-მ გამოძიება დაიწყო
რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა
ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა
|
რედაქტორის რჩევით
ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო
წინადადება თბილისს: იცვლის თუ არა უკრაინა კურსს საქართველოსთან მიმართებაში
ომი უკრაინაში
პუტინს სჯერა რომ უკრაინაში აგრესიულ ომს მალე დაასრულებს და უკრაინის შეიარაღებულ ძალებს გაანადგურებს
რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა
ვიდეო/LIVE პატრიარქის ილია მეორის დაკრძალვა - პირდაპირი
|





epn.ge (@expressnews.ge)