ავლაბარში, ფარნავაზ მეფის ძეგლის მიმდებარე ტერიტორიაზე დაგეგმილი მშენებლობა ადგილობრივმა მოსახლეობამ გააპროტესტა.

მათი თქმით, ქეთევან წამებულის გამზირზე არსებული სკვერი ამ ტერიტორიის ერთადერთი რეკრეაციული ადგილია და სასტუმროს მშენებლობა დაუშვებელია.

„ავლაბარი-ისნის ჩათვლით ერთადერთი ბაღია, რითიც სარგებლობენ ჩვენი შვილები. საკმარისად არის თბილისში სასტუმრო, ამ სკვერში სასტუმროს მშენებლობას არ დავუშვებთ“, - აცხადებს ავლაბრის მოსახლეობა.

ცნობისთვის, ქეთევან წამებულის გამზირზე 6-სართულიანი სასტუმროს მშენებლობა იგეგმება. თბილისის მერიაში აცხადებენ, რომ მიწის ნაკვეთი, სადაც სასტუმრო აშენდება, მიმდებარედ არსებული სკვერის ტერიტორიას არ წარმოადგენს. მერიაში აღნიშნავენ, რომ აღნიშნულ ტერიტორიაზე სასტუმროს მშენებლობა დაშვებულია. ავლაბარში, ფარნავაზ მეფის ძეგლის მიმდებარე ტერიტორია თბილისის მერიამ 2010 წელს გაასხვისა. მერიის არქიტექტურის სამსახურში შემოსული განაცხადის საფუძველზე მშენებლობის პროექტი შეთანხმებულია, ნებართვა კი ამ ეტაპზე გაცემული არ არის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს

ძმები ფეიქრიშვილების დედა, ნინო აბრამიშვილი - შვილები არ მომიკვდეს მე კამერაში. იცოდეთ შვილები არ მომიკვდეს

ადვოკატი - დავით ფეიქრიშვილს ფიზიკური დაზიანებები აქვს, გოგამ თვითდაზიანება მიიყენა