შეერთებული შტატების მიერ რუსეთისთვის სანქციების ნაწილი დაწესებულია სწორედ 2008 წლის რუსეთ-საქართველოს ომის შემდეგ, როდესაც საქართველოს ტერიტორიების ოკუპაცია მოხდა, - ამის შესახებ აშშ-ის პრეზიდენტის მრჩეველმა ეროვნული უსაფრთხოების საკითხებში, ჯონ ბოლტონმა განაცხადა.

როგორც მან აღნიშნა, ნოემბერში დაგეგმილია რუსეთისა და აშშ-ის პრეზიდენტების შეხვედრა, თუმცა ბოლტონის თქმით, მისთვის უცნობია, მოხდება თუ არა ამ შეხვედრაზე საქართველოს საკითხის განხილვა.

„ამერიკის შეერთებული შტატების მიერ მთელი რიგი სანქციები უკვე დაწესებულია რუსეთის წინააღმდეგ. სანქციების ნაწილი დაწესებულია სწორედ 2008 წლის რუსეთ-საქართველოს ომის შემდეგ, როდესაც მოხდა საქართველოს ტერიტორიების - სამხრეთ ოსეთისა და აფხაზეთის ოკუპაცია. რამდენად მოხდება ნოემბერში საქართველოს თემის განხილვა დონალდ ტრამპისა და ვლადიმერ პუტინის შეხვედრისას ამას ვერ გეტყვით, რადგან ეს შეხვედრა მოკლე იქნება. საფრანგეთი აღნიშნავს 100 წლისთავს პირველი მსოფლიო ომის დასრულების დღიდან და პუტინი-ტრამპის შეხვედრა, როგორც ჩვენ ვუწოდებთ, „ველების“ ფორმატში შედგება”, – განაცხადა ჯონ ბოლტონმა.

ავტორი: ,

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა