ფინანსთა მინისტრი, ივანე მაჭავარიანი იტალიის რესპუბლიკის საგანგებო და სრულუფლებიან ელჩს საქართველოში ანტონიო ენრიკო ბარტოლის შეხვდა.

შეხვედრაზე მიმოიხილეს ორ ქვეყანას შორის სავაჭრო-ეკონომიკურ სფეროში თანამშრომლობის, ასევე, საგადასახადო და საბაჟო კუთხით გამოცდილების გაზიარების მიზნით ურთიერთთანამშრომლობის გააქტიურების საკითხები.

საუბარი შეეხო ქვეყნის საგზაო ინფრასტრუქტურის განვითარებაში ინვესტიციების ჩადების პერსპექტივას და ამ მიმართულებით იტალიური კომპანიების დაინტერესებას.

იტალიის რესპუბლიკის საგანგებო და სრულუფლებიანმა ელჩმა გამოთქვა მზაობა, მხარი დაუჭიროს ორ ქვეყანას შორის პარტნიორობის გაღრმავებას, როგორც ეკონომიკური, ისე საგანმანათლებლო და კულტურული მიმართულებით, რაც ხელს შეუწყობს იტალიური და ქართული ბიზნესკომპანიების ურთიერთთანამშრომლობის კიდევ უფრო გააქტიურებას.

(NS)

ავტორი: ,

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა