03:53 - 09 Apr, 2026
ჩვენ შესახებ რეკლამა/ხელმოწერა
2015-06-10 11:39:26, 601 ნახვა

ეკონომიკა
მსოფლიო ბანკის წარმომადგენელი: ნუ დაპანიკდებით ყოველთვის, როდესაც ტურისტების რაოდენობის შემცირებას ხედავთ

"ნუ დაპანიკდებით ყოველთვის, როდესაც ხედავთ ტურისტების რაოდენობის შემცირებას",- ამის შესახებ მსოფლიო ბანკის წარმომადგენელმა,  სამხრეთ კავკასიაში მდგრადი განვითარების პროგრამების ხელმძღვანელმა  აჰმედ ეივეიდამ ტურიზმის ეროვნული სტრატეგიის შესახებ  შემაჯამებელი შეხვედრის  დაწყებამდე ჟურნალისტებს განუცხადა.
მისი თქმით, ამ სფეროში მნიშვნელოვანია არა რაოდენიბა, არამედ ხარისხი.
"მსოფლიო ბანკი მოხარულია, რომ საქართველოს მთავრობასთან ერთად საქართველოს ტურიზმის პირველ სტრატეგიას წარმოვადგენთ. ეს ითვალისწინებს მთლიან ხედვას 2015 დან 2025 წლამდე, აგრეთვე განხილულია არსებითი მდგომარეობა, თუ რა მონაცემები გვაქვს დღეს და რისი მიღწევა გვსურს. მრავალი დისკუსიის შემდეგ შემუშავდა ეს სტრატეგია და ბევრი მხარე იყო ჩართული ამ პროცესში. ნუ დაპანიკდებით ყოველთვის, როდესაც ტურისტების რაოდენობის შემცირებას ხედავთ, რადგან ჩვენ გვაქვს როგორც რაოდენობრივი, ასევე ხარისხობრივი ამოცანები, არ გვინდა, რომ საქართველო გადავაქციოთ მასობრივი ტურიზმის ადგილად, რომელიც ზიანს მიაყენებს როგორც საქართველოს ბუნებას, ასევე მის კულტურულ  მემკვიდრეობას, კულტურულ  ძეგლებს. მთავარია ხარისხი, რამდენად ხარჯავენ ჩამომსვლელები. მთავარია, რომ მეტი ვიზიტორი ჩამოვიყვანოთ უფრო მაღალმხარჯველი ქვეყნებიდან. ამასთან,  მნიშვნელოვანია, რა წვლილს შეიტანს ტურიზმი  მშპ-ში, რამდენად გაიზრდება სამუშაო ადგილები, მთავარი ხარისხია. ასე რომ, ნუ დაპანიკდებით",-განაცხადა მსოფლიო ბანკის წარმომადგენელმა.
ამწუთებში ეკონომიკის სამინისტრო  და ტურიზმის ეროვნული ადმინისტრაცია  დასრულებული სახით,   ტურიზმის ეროვნულ სტრატეგიას წარადგენს. საქართველოს ტურიზმის ეროვნული სტრატეგია 2025  ქვეყნის ეკონომიკისა და მისი მოსახლეობისთვის ტურიზმის  ფასეულობისა და მნიშვნელობის ასამაღლებლად, 10 წლიან სტრატეგიულ გეგმას წარმოადგენს.





ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
თეთრ სახლში თქვეს, რომ ტრამპი რუტესთან შეხვედრაზე NATO-ს დატოვების შესაძლებლობასაც განიხილავს
ირანი აშშ-ს ცეცხლის შეწყვეტის შეთანხმების რამდენიმე პუნქტის დარღვევაში ადანაშაულებს
ირანული მედია: თეირანში აფეთქებების ხმა გაისმა
რუსეთის ნავთობიდან შემოსავალმა 2022 წლის შემდეგ მაქსიმუმს მიაღწია
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics