ევროპის საბჭოს საპარლამენტო ასამბლეა (PACE) რეზოლუციის პროექტს განიხილავს, რომელმაც, შესაძლოა რუსეთს საბჭოში ყირიმის ანექსიის გამო 2014 წელს ჩამორთმეული ხმის მიცემის უფლება დაუბრუნოს.  

ინფორმაციას "რია ნოვოსტი" ავრცელებს.

რეზოლუციის მიღების შემთხვევაში, სანქციების იმპლემენტაციის და გაგრძელების მექანიზმი რთულდება, რაც რუსეთის დელეგაციას საშუალებას მისცემს, 2019 წლის იანვრის სესიიდან PACE-ს სხდომებში სრულფასოვანი მონაწილეობა მიიღოს. რეზოლუცია ევროსაბჭოს დეპუტატმა პეტრა დე სუტერმა მოამზადა. მის განხილვას პარლამენტის დეპუტატებს შორის ცხარი კამათი მოჰყვა. ასამბლეაში მონაწილეების ნაწილი მიიჩნევს, რომ რუსეთს სანქციები არ უნდა მოეხსნას. ხმაური მოჰყვა ევროპის საბჭოს გენერალური მდივნის, ტორბიორნ იანგლანდის გამოსვლასაც, რომელმაც დეპუტატებს კონსენსუსისკენ მოუწოდა. დეპუტატების ნაწილმა გენმდივანი რუსეთის ლობირებაში დაადანაშაულა.

გარდა ამისა, ბრიტანელი დეპუტატი კრისტოფერ ჩოპი გამოვიდა ინიციატივით, რომ აღნიშნული რეზოლუციის განხილვა გარკვეული დროით გადადებულიყო. მოგვიანებით ჩატარებულ კენჭისყრაზე გადაწყდა, რომ საკითხის განხილვა არ უნდა გადაიდოს. 

ევროპის საბჭოს საპარლამენტო ასამბლეის საშემოდგომო სესიაში საქართველოს დელეგაციაც მონაწილეობს და მას პარლამენტის თავმჯდომარის პირველი მოადგილე თამარ ჩუგოშვილი ხელმძღვანელობს. როგორც ჩუგოშვილმა აღნიშნა, რუსეთისთვის სანქციების მოხსნაზე და არა ზოგადად სანქციების მექანიზმის გაუქმებაზე საუბარი მხოლოდ მას შემდეგ შეიძლება, რაც მოსკოვი უკრაინისა და საქართველოს წინაშე ნაკისრ ვალდებულებებს შეასრულებს. 

ავტორი: ,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ