ხურვალეთთან ოკუპანტების მიერ დაკავებულ მაია ოთინაშვილს 2-თვიანი პატიმრობა მიესაჯა

2018-10-02 13:05:45, 1056 ნახვა

რეგიონი

გორის მუნიციპალიტეტის სოფელ ხურვალეთთან ე.წ. მესაზღვრეების მიერ დაკავებულ 37 წლის მაია ოთინაშვილს ორთვიანი წინასწარი პატიმრობა მიესაჯა, - ამის შესახებ "სპუტნიკ ოსეტია" იუწყება.

მედია საშუალების ინფორმაციით, საქართველოს მოქალაქეს ბრალად ე.წ. საზღვრის კვეთა ედება.

გარდა ამისა, აღნიშნულ საკითხზე განცხადება ოკუპირებული სამხრეთ ოსეთის დე-ფაქტო სახელმწიფო უშიშროების კომიტეტმაც გაავრცელა.

„ხანგრძლივი პერიოდის განმავლობაში, დაკავებული ფულადი ანაზღაურების სანაცვლოდ სამხრეთ ოსეთისა და საქართველოს მოქალაქეებს სახელმწიფო საზღვრის უკანონოდ გადაკვეთაში ეხმარებოდა. ლენინგორის რაიონულმა სასამართლომ მას აღკვეთის ღონისძიების სახით ორთვიანი წინასწარი პატიმრობა მიუსაჯა“, - აცხადებენ ე.წ. კომიტეტში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები