პარლამენტის მიმდებარე ტერიტორიაზე, სადაც ზაზა სარალიძე და მალხაზ მაჩალიკაშვილი საპროტესტო აქცია მართავენ, „ევროპული საქართველოს“ წარმომადგენლები მივიდნენ.

როგორც პარტიის ერთ-ერთმა ლიდერმა გიგა ბოკერიამ განუცხადა, მათი პოლიტიკური გუნდი ზაზა სარალიძეს მხარს უჭერს.

მისივე თქმით, მიუხედავად იმისა, რომ დროებითმა საგამოძიებო კომისიამ ვრცელი დასკვნა გამოაქვეყნა, ხელისუფლებას დამნაშავის დასჯის მიმართულებით ქმედითი ნაბიჯები არ გადაუდგამს.

„ჩვენი პოლიტიკური გუნდის პირადი პოზიციაა, რომ ზაზა სარალიძეს მხარში დავუდგეთ. ყველა დღე, როდესაც ხელისუფლება არ დგამს კონკრეტულ ნაბიჯებს დამნაშავებიის დასჯის თვალსაზრისით, ეს ასმაგად ამძიმებს დღევანდელი ხელისუფლების პაუსიხსმგებლობას. ის ყველაფერი, რაც დღეს ხდება, არის დოკუმენტირებული უსამართლობის მაგალითი. კომისიის დასკვნაში დეტალურად არის გაწერილი ის, რაც ქართულმა საზოგადოებამ აქამდეც იცოდა, თუმცა ახლა, ეს ყველაფერი ფაქტებითა და მტკიცებულებებით არის გამყარებული. ცნობილია კონკრეტული პირი, რომლის მიმართაც არსებობს მტკიცებულებები, რათა მის წინააღმდეგ სამართლებრივი დევნა დაიწყოს მკვლელობაში თანამონაწილეობის თვალსაზრისით. აგრეთვე, ცნობილი არიან პირები, რომლებიც ამ დამნაშავეს ხელს აფარებენ. ჩვენ ამ მიმართულებით გადაგმულ ნაბიჯებს ვერ ვხედავთ და ეს არის პოლიტიკური უტიფრობა. მხარს ვუჭერთ და თანავუგრძნობთ ზაზა სარალიძეს“, - განაცხადა გიგა ბოკერიამ.

ავტორი: ,

სოციალური ქსელები

Bloomberg: ევროკავშირი უკრაინაში Starlink-ის პრობლემების შემდეგ თავდაცვის გაძლიერებას განიხილავს:

კალაძე - რეალურად არ არსებობდა არანაირი ე.წ. NGO სექტორი და პოლიტიკური პარტიები, ეს იყო ერთი ძალა

700 დღე პროტესტი საქართველოში: დაღლასა და დანებებას შორის

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს