საქართველოს პრემიერ-მინისტრი მამუკა ბახტაძე ქართველ მეწარმეებს დღგ-ს დაბრუნების სისტემაში აქტიური ჩართულობისკენ მოუწოდებს.

როგორც მან მთავრობის დღევანდელი სხდომის დაწყებამდე განაცხადა, აღნიშნული რეფორმით წელს ქართული ბიზნესისთვის ნახევარ მილიარდ ლარამდე ოდენობის თანხის დაბრუნება იგეგმება.

პრემიერის ინფორმაციით, იმ ძალიან მტკივნეულ თემასთან დაკავშირებით, როგორიცაა დღგ-ს დაბრუნების სისტემა, მთავრობის მიერ 1-ლი იანვრიდან დაწყებული მნიშნელოვანი რეფორმით, დღემდე კერძო სექტორისთვის დაახლოებით 280 მილიონი ლარია დაბრუნებული.

„მაგრამ აქაც არსებობს გარკვეული სტერეოტიპები. სამწუხაროდ, წინა ხელისუფლების მმართველობის პირობებში ქართულ ბიზნესს ძალიან მტკივნეული გამოცდილება აქვს  დღგ-ს დაბრუნების პროცედურებთან დაკავშირებით, რადგან დღგ-ს დაბრუნება პირდაპირ კავშირში იყო საწარმოში ან საგადასახადო ორგანოების, უმრავლეს შემთხვევაში კი - ფინანსური პოლიციის შესვლასთან. ეს იყო ძალიან მავნე პრაქტიკა, რომელმაც ქართული ბიზნესი ძალიან დააზარალა“, - განაცხადა პრემიერ-მინისტრმა.

მთავრობის მეთაურმა ქართველ მეწარმეებს მეტი აქტიურობისა და განაცხადების შევსებისკენ მოუწოდა და აღნიშნა, რომ დღგ-ს დაბრუნების პროცესი ძალიან მარტივი, კომფორტული და მეგობრულია.

„მესმის, რომ წარსულის გამოცდილება ამ ნაწილში ძალიან მძიმეა, მაგრამ ჩვენ ერთობლივად უნდა ჩამოვაყალიბოთ თანამედროვე, ახალი, სამართლიანი თამაშის წესები. ასე, რომ მინდა, კიდევ ერთხელ მოვუწოდო ქართულ ბიზნესს, მაქსიმალურად ჩაერთოს აღნიშნულ პროექტში. ჩვენი ამოცანაა, წელს ნახევარ მილიარდ ლარამდე დავაბრუნოთ ქართულ ეკონომიკაში“, - აღნიშნა მამუკა ბახტაძემ.

ავტორი: ,

სოციალური ქსელები

700 დღე პროტესტი საქართველოში: დაღლასა და დანებებას შორის

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს

დააკავეს პირი რომელიც ყოფილ მეუღლეს სიცოცხლის მოსპობით დაემუქრა, თუ მასთან შერიგებაზე უარს იტყოდა

ძმის ქორწილში მოკლული გურამ ბოიკოს მკვლელობაში ბრალდებული დააკავეს, ბრალდებული წარსულშიც ნასამართლევია