მიგრაციის საერთაშორისო ორგანიზაციის ერთ-ერთი ხელმძღვანელის მარკ ჰულსტის ინფორმაციით, 2018 წლის პირველ 6 თვეში გერმანიაში თავშესაფარი საქართველოს 2 485-მა მოქალაქემ მოითხოვა, შვედეთში - 490-მა, ბელგიაში - 471-მა, ხოლო ნიდერლანდებში - 81-მა.

როგორც ჰულსტმა ჟურნალისტებს განუცხადა, აზღვარგარეთ თავშესაფრის მაძიებელი საქართველოს მოქალაქეების რიცხი მცირდება. მანვე დასძინა, რომ მატების ტენდენცია მხოლოდ ბელგიასა და ნიდერლანდებში ფიქსირდება. 

„კლების მაჩვენებელი იმედისმომცემია. იგივე ტენდენციაა შვედეთში, სადაც ნოემბერ-დეკემბერში და წელს იანვარ-თებერვალში საკმაოდ დიდმა რაოდენობამ მოითხოვა თავშესაფარი. გერმანიასთან შედარებით თავშესაფრის მომთხოვნთა რაოდენობა დიდი არ არის, მაგრამ შვედეთისთვისაა დიდი რიცხვი, რაც მათთვის ახალი მოვლენა იყო. თუ ამ ციფრებს შარშანდელი 6 თვის ანალოგიურ პერიოდს შევადარებთ, მატება შვედეთში 23%-ია, ბელგიაში ზუსტად იგივე ციფრია, რაც შარშან იყო",- განაცხადა მან.

მისი განმარტებით, საქართველოდან წასულ მოქალაქეებს თითქმის არ აქვთ საზღვარგარეთ თავშესაფრის მიღების შანსი. ჰულსტმა მაგალითად გერმანია მოიყვანა და აღნიშნა, რომ სტატუსი თავშესაფრის მომთხოვნ პირთა მხოლოდ 1%-მა მიიღო. 

„აქ საუბარია ორ სხვადასხვა სტატუსზე, ერთია უშუალოდ ლტოლვილის სტატუსი, რომელიც საქართველოს არც ერთ მოქალაქეს არ მიუღია და მეორეა დროებითი ცხოვრების უფლება სხვადასხვა მიზეზის გამო. აქ, ძირითადად, საუბარი იყო ჯანმრთელობის პრობლემების მქონე პირებზე. ასევე, არცერთ პირს არ მიუღია სტატუსი შვედეთში, აქ ფაქტობრივად დროებითი სტატუსის მინიჭებაც არ ხდება, ისევე, როგორც ბელგიაში, ნიდერლანდებსა და გერმანიაში. ადრე საფრანგეთი იყო ლოიალური ქვეყანა თავშესაფრის მაძიებლებისთვის, მაგრამ მას შემდეგ, რაც საქართველომ ვიზალიბერალიზაცია მიიღო, საფრანგეთი იმავე ლოიალური მიდგომით არ მგონია მოქმედებდეს",- განაცხადა ჰულსტმა. 

მისივე შეფასებით, ევროპაში თავშესაფრის მოთხოვნა ლოგიკას არ ექვემდებარება, რადგან თავშესაფრის მაძიებლებს რთულ პირობებში უწევთ ცხოვრება.

ავტორი: ,

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა