რუსეთის ტერიტორიაზე საქართველოდან შესული ალკოჰოლური სასმელის ხარისხთან დაკავშირებით, „როსპოტრებნადზორი“ განცხადებას ავრცელებს.

როგორც განცხადებაშია აღნიშნული, ფედერალური სამსახურის მიერ ჩატარებული შემოწმებისას გამოვლინდა ალკოჰოლური პროდუქციის პარტია, რომლის ხარისხიც კანონით დადგენილ მოთხოვნებს არ აკმაყოფილებს.

 „2018 წლის პირველ ნახევარში გამოვლინდა ალკოჰოლური პროდუქციის პარტია, რომლის ხარისხიც რუსეთის ფედერაციის ტექნიკურ რეგლამენტს და მომხმარებელთა უფლების შესახებ კანონს არ შეესაბამება. შესაბამისად, ფედერალური სამსახურის განკარგულებით, ქართული ალკოჰოლური სასმელი, რუსეთის ბაზარზე  არ დაუშვეს“, - ნათქვამია „როსპოტრებნადზორის“ განცხადებაში.

მათივე ცნობით, ალკოჰოლურ სასმელი, რომელიც რუსეთის ტერიტორიაზე არ დაუშვეს, საერთო ჯამში 16 ათასი ლიტრის მოცულობისაა.

 „ხარისხის ანალიზი მეტყველებს როგორც მწარმოებლის, ასევე შესაბამისი უფლებამოსილების მქონე სახელმწიფო ორგანოების მხრიდან წარმოების ტექნოლოგიების დარღვევასა და გამოშვებული პროდუქციის არასათანადო კონტროლზე. რუსეთის ფედერაციის ტერიტორიაზე შემოსული ალკოჰოლური პროდუქციის ხარისხისა და უსაფრთხოების კონტროლი გამკაცრდება“, - აღნიშნულია განცხადებაში.

ავტორი: ,

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას