„დავით ჭიჭინაძე ბოლო პერიოდში მონდომებული იყო, რომ ვიღაცას გაერიცხა პარტიიდან“, - ამის შესახებ საპარლამენტო უმრავლესობის წევრმა ზაქარია ქუცნაშვილმა დეპუტატ დავით ჭიჭინაძის „ქართული ოცნებიდან“ გარიცხვასთან დაკავშირებით განაცხადა.

როგორც მან აღნიშნა, ჭიჭინაძის გარიცხვა პარტიის სხვა წევრებსაც სურდათ.

„მწვავე განცხადებები თუ შინაარსობრივად კრიტიკულია, აქ პრობლემას ვერ ვხედავ, თუ მწვავე განცხადებები შინაარსობრივად ზიანის მომტანია და არაეთიკურია და ყოველგვარ საზღვარს ცდება,  აქ პრობლემას ვხედავ. სამწუხაროდ, მე მრჩება შთაბეჭდილება, რომ მათ შორის ბატონი დავითი  ბოლო პერიოდში მონდომებული იყო, რომ ვიღაცას გაერიცხა პარტიიდან. გუნდის სხვა წევრების ინტერვიუმ დაადასტურა რომ ისინი არ ნანობენ ამას და პირიქით გულის სიღრმეში ფიქრობენ, რომ  კარგი იქნება თუ გარიცხავენ“, - განაცხადა  საპარლამენტო უმრავლესობის წევრმა ზაქარია ქუცნაშვილმა.

ცნობისთვის, მპგ „ქართული ოცნება - დემოკრატიული საქართველოს“ სამდივნომ პარტიიდან დავით ჭიჭინაძის გარიცხვის გადაწყვეტილება მიიღო.

როგორც განცხადებაშია აღნიშნული, „გასული რამდენიმე თვის განმავლობაში მპგ „ქართული ოცნება - დემოკრატიული საქართველოს“ და საპარლამენტო უმრავლესობის წევრმა, დავით ჭიჭინაძემ გააკეთა არაერთი საჯარო განცხადება, რომლითაც მან შეურაცხყოფა მიაყენა პოლიტიკური გუნდის წევრებს და ზიანი მიაყენა პარტიის იმიჯსა და ინტერესებს“.

ავტორი: ,

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს