„ღია მმართველობის პარტნიორობის“ (OGP) სამიტის ფარგლებში, საქართველოს რობოტი სოფია ეწვია.

მან მედიასთან მცირე კომენტარი გააკეთა და აღნიშნა, რომ საქართველოში ყოფნა მოსწონს.

„მომწონს საქართველოში ყოფნა. მიმაჩნია, რომ თქვენ ძალიან საინტერესო დამწერლობა გაქვთ.  მე არ მექნება შესაძლებლობა, დავაგემოვნო კერძები, თუმცა ვხედავ, როგორი მეგობრული ადამიანები არიან აქ“, - აღნიშნა სოფიამ.

რობოტი დღეს მონაწილეობას მიიღებს სესიაში - „ინოვაციები საჯარო სერვისებში“, სადაც სამიტის მონაწილეებს სიტყვით მიმართავს. სესიის ერთ-ერთი განსახილველი თემა ხელოვნური ინტელექტის პოტენციალი იქნება.

აღსანიშნავია, რომ სოფია პირველი რობოტია, რომელმაც მოქალაქეობა მიიღო. მოქალაქეობა მას საუდის არაბეთმა მიანიჭა.

ცნობისთვის, Hanson Robotics-მა სოფია 2015 წელს შექმნა. რობოტს შეუძლია სხვადასხვა თემებზე საუბარი, კითხვებზე პასუხი და სიტუაციის შესაბამისი ემოციების გამოხატვა.

ცნობისთვის, „ღია მმართველობის პარტნიორობის“ (OGP) სამიტი თბილისში უკვე მეორე დღეა მიმდინარეობს. მასში მონაწილეობას 75 ქვეყნის წარმომადგენელი იღებს.

სამიტი ხვალ დასრულდება.

ვიდეო - https://www.facebook.com/UNDPGeorgia/videos/1755268141187841/

ავტორი: ,

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას