მამუკა ბახტაძე საქართველოს პრემიერ-მინისტრის რანგში პირველი ვიზიტით 18-20 ივლისს ბრიუსელს ეწვევა.
მთავრობის მეთაურის სამუშაო ვიზიტი ბელგიის სამეფოში 18 ივლისს,  ნატო-ს გენერალურ მდივან იენს სტოლტენბერგთან შეხვედრით დაიწყება, რის შემდეგაც მხარეები მედიისთვის განცხადებებს გააკეთებენ.
19 ივლისს საქართველოს პრემიერ-მინისტრს ევროპული საბჭოს პრეზიდენტი უმასპინძლებს. დაგეგმილია მამუკა ბახტაძის და დონალდ ტუსკის ერთობლივი მიმართვა პრესისადმი.
ბრიუსელში სამუშაო ვიზიტის ფარგლებში საქართველოს მთავრობის მეთაური შეხვედრებს გამართავს ბელგიის სამეფოს ვიცე-პრემიერთან, საგარეო და ევროპულ საქმეთა მინისტრთან  დიდიე რეინდერსთან, ევროკომისართან ევროპული სამეზობლო პოლიტიკისა და გაფართოების საკითხებში იოჰანეს ჰანთან, ევროკომისართან ვაჭრობის საკითხებში სესილია მალმსტრომთან და ევროკომისიის ვიცე-პრეზიდენტთან, ევროკომისართან ევროპული  და სოციალური დიალოგის საკითხებში ვალდის დომბროვსკისთან.
საქართველოს დელეგაციაში, რომელსაც პრემიერ-მინისტრი ხელმძღვანელობს, საგარეო საქმეთა მინისტრი დავით ზალკალიანი და თავდაცვის მინისტრი ლევან იზორია იმყოფებიან.

ავტორი: ,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს