საქართველოს ევროკავშირში ინტეგრაციის გზაზე არსებული მიღწევები,  ევროკავშირთან ასოცირების შეთანხმების ფარგლებში მიმდინარე რეფორმების განხორციელების პროცესი და საქართველოსთვის ევროკავშირის ფინანსური დახმარების საკითხები იყო საუბრის მთავარი თემები საქართველოს პრემიერ-მინისტრ მამუკა ბახტაძისა და ევროკავშირის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილის, კატარინა მატერნოვას შეხვედრაზე, რომელიც მთავრობის ადმინისტრაციაში გაიმართა.

პრემიერის პრესსამსახურის ინფორმაციით, შეხვედრისას ხაზი გაესვა იმ პროგრესს, რომელსაც საქართველომ ასოცირების შესახებ შეთანხმებისა და ღრმა და ყოვლისმომცველი თავისუფალი ავაჭრო სივრცის შესახებ შეთანხმების განხორციელების პროცესში მიაღწია. პრემიერ-მინისტრმა აღნიშნა, რომ საქართველოს მთავრობა მზადაა, ევროკავშირში სრულფასოვანი ინტეგრაციის მიზნით, გამოიყენოს თანამშრომლობის ყველა არსებული მექანიზმი.

მამუკა ბახტაძემ ხაზი გაუსვა, რომ ევროკავშირში ინტეგრაციის დღის წესრიგი დაეფუძნება საგზაო რუკას, რომელიც განსაზღვრავს კონკრეტულ მიმართულებებსა და ძირითად პრიორიტეტებს და ამგვარად უზრუნველყოფს ევროინტეგრაციის პროცესის მეტ სისტემურობას, თანმიმდევრულობას, პროგნოზირებადობასა და გამჭვირვალობას.

შეხვედრისას ასევე ყურადღება დაეთმო საქართველოს-ევროკავშირის მაღალი დონის სექტორული დიალოგის ფარგლებში დაგეგმილი შეხვედრის ფარგლებში განსახილველ საკითხებს.

ევროკომისიის დირექტორატის წარმომადგენლებმა კიდევ ერთხელ ხაზგასმით აღნიშნეს, რომ საქართველო არის ლიდერი რეფორმატორი ქვეყანა რეგიონში, რასაც ასოცირების შეთანხმების ფარგლებში საქართველოს მიერ პრაქტიკულად ყველა მიმართულებით მიღწეული პროგრესიც ადასტურებს.

ავტორი: ,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს