საქართველოს პრეზიდენტის გიორგი მარგველაშვილისთვის უცნობია, თუ რა მიზეზის გამო დატოვებს საკუთარი თანამდებობები ყოფილმა პრემიერ-მინისტრმა გიორგი კვირიკაშვილმა და აჭარის ავტონომიური რესპუბლიკის მთავრობის თავმჯრომარემ ზურაბ პატარაძემ.

როგორც პრეზიდენტმა TV25-ის ეთერში განაცხადა, აღნიშნულ პირებს საკუთარი გადაწყვეტილების მიზეზი საზოგადოებისთვის უნდა განემარტათ. მისივე შეფასებით, კვირიკაშვილი სარგებლობდა დიდი ნდობით, როგორც ქვეყნის შიგნით ასევე მის ფარგლებს გარეთაც.

"ეს არის ქართული პოლიტიკის ცივილიზებულობის ან არაცივილიზებულობის საკითხი. ამით ინერგება ძალიან არასწორი დამოკიდებულება საერთოდ პოლიტიკის მიმართ და მოქალაქეების მიმართ. ჩემთვის უცნობია მათი წასვლის მიზეზი. თქვენ, როგორც მოქალაქეებიიმსახურებთ იმას, რომ იცოდეთ თუ რატომ მოდის ან მიდის ადამიანი პოლიტიკიდან. ყველას უნდა ჰქონდეს გააზრებული, რომ ის ხალხის მიერ დაქირავებული ფიგურაა. თუ ამას ვერ იაზრებენ, ეს დაბალი პოლიტიკური კულტურის მაჩვენებელია. როგორ შეიძლება შენს მოქალაქეებს არ სცემდე პატივს და შენი წასვლის მიზეზი არ აუხსნა. თან კვირიკაშვილთან მიმართებაში სხვა დეტალებიც არსებობს: ის უცებ პოლიტსაბჭოდან გაქრა. კვირიკაშვილთან ვმუშაობდი როგორც პარტნიორი და ვერ გეტყვით რომ ერთმანეთს ყველაფერში ვეთანხმებოდით, მაგრამ ვიცოდი მასთან როგორ მემუშავა. უცებ იმის თქმა, რომ გუნდმა ასე გადაწყვიტა - რომელ გუნდზეა ლაპარაკი? გუნდზე რომელიც პატივს არ სცემს არც პრემიერს, არც მოქალაქეებს, რომ უთხრას რატომ წავიდა პრემიერი კვირიკაშვილი?! გუნდი, რომელიც - მეორე დღეს ერთი ადამიანი არ გამოესარჩლება ამ ადამიანის ღვაწლსა და სახელს, როცა მანამდე აბა კვირიკაშვილისთვის რამე გეთქვა და ის გუნდის ლიდერი იყო. ერთ დღეში მისი ხსენება აკრძალულია, ერთ დღეში პოლიტსაბჭოდან გააქრეს და იმას ვინც ამას აკეთებს, ამას გუნდს ეძახიან?! გუნდი თავის ლიდერებს ასე არ ექცევა. დემოკრატიული პოლიტიკის ერთ-ერთი შემადგენელი ნაწილია გამჭვრეტადობა პოლიტიკური პროცესის.  ჩვენ მოქალაქეები გვენდობიან, კვირიკაშვილს ენდობოდნენ, მასთან დამოკიდებულება და ურთიერთობა ჰქონდათ, მას საგარეო პარტნიორები ენდობოდნენ, მსოფლიოს მთავარ დედაქალაქებში კვირიკაშვილს იცნობდნენ და მასთან პარტნიორობდნენ. რაღაცნაირად გაიჟღერა ეკონომიკის საკითხმა - აქაც ხომ კომიკურ სიტუაციამდე მივედით. ეკონომიკური პროფილის პრემიერს 7.5-პროცენტიანი ეკონომიკური ზრდა აქვს მაისში", - განაცხადა გიორგი მარგველაშვილმა.

ავტორი: ,

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა