საქართველოს მთავრობის ადმინისტრაციის უფროსად სასჯელაღსრულებისა და პრობაციის მინისტრი, კახა კახიშვილი დაინიშნა.

ამის შესახებ პრმიერ-მინისტრმა მამუკა ბახტაძემ დღეს გამართულ ბრიფინგზე განაცხადა.

„კახა კახიშვილი ჩვენი მინისტრთა კაბინეტის ყველაზე წარმატებული მინისტრი გახლდათ. ადამიანი, რომელმაც მნიშვნელოვანი და ფუნდამენტური რეფორმები გაატარა ერთ-ერთ ყველაზე რთულ მიმართულებაში. მაგრამ, წარმატება და წარმატებული რეფორმები ერთ სექტორში არ არის საკმარისი. ჩვენ გვსურს რეფორმების გატარება ყველა მიმართულებით. აქედან გამომდინარე მთავრობის ადმინისტრაციას ენიჭება ძალიან მნიშვნელოვანი როლი რეფორმების კოორდინაციის საქმეში და შესაბამისად, კახა დაიკავებს მთავრობის ადმინისტრაციის ხელმძღვანელის ადგილს. ის ჩემთან ერთად, ამ პოზიციიდან შეძლებს, რომ კოორდინაცია გაუწიოს ყველა იმ რეფორმის დროულ დანერგვას, რომელიც არის ჩვენი მხრიდან დაანონსებული.
მინდა შეგახსენოთ, რომ ჩვენს მიერ წარმოდგენილი პროგრამის მიხედვით, ყველა რეფორმა დაინერგება 2018-2019 წლებში. რა თქმა უნდა, განათლების რეფორმა არის განსაკუთრებული შემთხვევა, ის არის გრძელვადიანი, მაგრამ ყველა სხვა რეფორმა, რომელიც არის ჩვენს მიერ ინიცირებული და ასევე ახალი რეფორმები, რომელსაც გავაჟღერებთ შემოდგომაზე, თითოეული მათგანი დაინერგება 2018-2019 წლებში. შესაბამისად, ამ რეფორმების კოორდინაციას და მის დანერგვას სჭირდება სისტემური მენეჯმენტი, ეფექტური სამთავრობო რგოლები, ეფექტური კადრებით დაკომპლექტებული და აქედან გამომდინარე მთავრობის ადმინისტრაციას აქვს განსაკუთრებული ფუნქცია. დარწმუნებული ვარ, კახა კახიშვილი ამ ფუნქციას შეასრულებს“, - განაცხადა ბახტაძემ. 

კახიშვილმა აღნიშნულ პოსტზე შალვა თადუმაძემ შეცვალა, რომელიც მთავარი პროკურორობის კანდიდატია.

კახიშილი სასჯელაღსრულების სამინისტროს 2015 წლის პირველი აგვისტოდან ხელმძღვანელობდა. მანამდე იგი ამავე უწყებაში მინისტრის მოადგილის პოსტს იკავებდა.

ავტორი: ,

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო