2018-07-03 12:03:29, 759 ნახვა

---

ხაბარელი - კომფორტული იქნებოდა, სპორტი ყოფილიყო ცალკე, მაგრამ არამგონია, რომ ამ სფეროს ყურადღება მოაკლდეს

საპარლამენტო უმრავლესობის წევრის შოთა ხაბარელის განცხადებით, განათლებისა და სპორტის სამინისტროების შერწყმით, სპორტის სფეროს ყურადღება არ მოაკლდება.

როგორც ხაბარელმა ჟურნალისტებს განუცხადა, მთავრობის მიერ აღებული მიმართულება სწორია. მანვე დასძნა, რომ სპორტი, განათლება და კულტურა ქვეყნის პრიორიტეტულ საკითხებად არის აღიარებული.

"ყველაზე კომფორტული იქნებოდა, რომ სპორტი ყოფილიყო ცალკე. მაგრამ დღევანდელი მოცემულობიდან გამომდინარე ვფიქრობ, რომ აღებულია სწორი მიმართულება, რადგამ სპორტი და განათლება ფაქტობრივად თანხვედრაშია. აქედან გამომდინარე არამგონია, რომ სპორტის სფერო დაიჩაგროს და მას ფინანსები არ შეუმცირდება. პირიქით, პრემიერ-მინისტრმაც დაანონსა, რომ კულტურა, სპორტი და განათება უნდა იყოს პრიორიტეტი და ამ შემთხვევაში ვფიქრობ, რომ სპორტი ისარგებლებს და იხეირებს", - განაცხადა დეპუტატმა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი