დედაქალაქის მერმა კახა კალაძემ წყნეთი-ბეთანიის ახლადგახსნილი გზა ინფრასტრუქტურის მინისტრთან მაია ცქიტიშვილთან და ევროპის საინვესტიციო ბანკის წარმომადგენლებთან ერთად დაათვალიერა. კახა კალაძემ 13 ივნისის სტიქიის შედეგად გზის დაზიანების ფაქტი გაიხსენა და აღნიშნა, რომ რეაბილიტირებულ გზაზე უსაფრთხოების ნორმები დაცულია. 

„ჩვენ გვახსოვს, მაშინ, როდესაც სტიქია დაატყდა დედაქალაქს თავს,  მთელი მთა იყო ჩამოსული, რომელმაც მთლიანად გზაც ჩაიტანა. შეუძლებელი იყო აქ მოძრაობა. დღეს უკვე გაიხსნა ეს გზა. ადამიანებს უკვე შეუძლიათ აქ გადაადგილება.  მნიშვნელოვანია ის, რომ უსაფრთხოების ყველა ზომა დაცულია. თქვენ ხედავთ, თუ რა მასშტაბის სამუშაოებია ჩატარებული. აქ დამონტაჟებულია სპეციალური სისტემა, რომლის მეშვეობითაც გზა საფრთხის შემთხვევაში  ჩაიკეტება. შესაბამისად, ადამიანებს აქ არანაირი პრობლემა არ შეექმნებათ“, - განაცხადა თბილისის მერმა. 

რეგიონული განვითარებისა და ინფრასტრუქტურის სამინისტრომ წყნეთი-სამადლოსა და წყნეთი - ახალდაბის დაახლოებით 4-კილომეტრიანი სამანქანო გზის რეაბილიტაცია განახორციელა. 

გზის რეაბილიტაციის პროცესში ჩართულები იყვნენ უცხოელი ექსპერტები გერმანიიდან, თურქეთიდან და ავსტრიიდან. გზის სირთულიდან გამომდინარე მშენებლობის პროცესში მაქსიმალურად იქნა გათვალისწინებული უსაფრთხოების ნორმები: 

• ევროპული გამოცდილების გათვალისწინებით დამონტაჟდა სპეციალური ბადეები, რომელიც აჩერებს დიდი ინერციით მოძრავ ლოდებს; 

• დამონტაჟდა წინასწარი შეტყობინების სისტემა, რომელიც უმნიშვნელო ქანის გადაადგილებაზეც კი სიგნალს გადასცემს გზის შემოსასვლელ-გასასვლელში დაყენებულ შლაგბაუმებს და ისინი ავტომატურად იკეტება. 

• სპეციალისტებმა გამოიკვლიეს დამეწყრილი ფერდობის საიმედოობის კოეფიციენტი, რომელშიც გათვალისწინებულია 8-ბალიანი სეისმური ბიძგები და ჰიდროლოგიური წნევები. კვლევის შედეგად გამოვლენილი საეჭვო ზონები დაიბურღა და განხორციელდა ქანების ანკერული გამაგრება. 

პროექტი ევროპის საინვესტიციო ბანკის დაფინანსებით განხორციელდა და მისი ღირებულება  29 მილიონ ლარს სცდება. განახლებული გზა დღეს დედაქალაქის მერის მოადგილემ, ირაკლი ბენდელიანმა, ვაკის რაიონის გამგებელმა, ნოდარ ტურძელაძემ და დედაქალაქის საკრებულოს მაჟორიტარმა დეპუტატმა გიორგი მუსხელიშვილმა დაათვალიერეს. 

NS

ავტორი: ,

სოციალური ქსელები

მამა იერონიმე ქათამაძე: არის რაღაც ინფორმაციები, რომ ახალი პატრიარქი შეძლებს საყოველთაო შერიგებას

მეუფე ნიკოლოზი: მიმაჩნია, რომ ქვეყანაში სინდისის პატიმრები და პოლიტიკური პატიმრები საერთოდ არ უნდა იყვნენ

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს