დედაქალაქის მერი კახა კალაძე ცინცაძე-კარტოზიას ქუჩების გადაკვეთაზე სატრანსპორტო კვანძის მშენებლობის პროცესს გაეცნო. პროექტს თბილისის მერიის ინფრასტრუქტურის განვითარების საქალაქო სამსახური ახორციელებს.

მერიის ცნობით, ორდონიანი სატრანსპორტო კვანძი, აღნიშნულ ქუჩებზე, ავტოსატრანსპორტო საშუალებების უსაფრთხოდ და შეუფერხებლად მოძრაობას უზრუნველყოფს. მშენებლობის პარალელურად, მიმდებარე ტერიტორიაზე, დენდროლოგიური პროექტის შესაბამისად, 140 ძირი ნერგი დაირგო, მათ შორის, ჰიმალაის კედარი, ტირიფი, აკაცია და დეკორატიული ტყემალი. ხე-მცენარეების მოვლა-პატრონობაზე მუნიციპალიტეტი იზრუნებს.

თბილისის მერის განცხადებით, პროექტის განხორციელების შედეგად, საბურთალოს რაიონის ცენტრალურ ნაწილში მოძრაობა განიტვირთება და ტრანსპორტის გადაადგილების დრო შემცირდება. 

„ამ კონკრეტულ ლოკაციაზე საცობების პრობლემა იყო. აღნიშნული პროექტი კი,  შესაძლებლობას მოგვცემს, რომ მოძრაობა განიტვირთოს. ეს მოხდება პირველ ეტაპზე. რაც შეეხება მეორე ეტაპს, თამარაშვილის ქუჩის კვანძის კვლევა დაწყებული გვაქვს, რათა  პროექტის განხორციელების შემდეგ, სამომავლოდ, პრობლემა არ შეიქმნას. აღნიშნული პროექტის ფარგლებში, სამწუხაროდ, რამდენიმე ძირი ხის მოჭრა და რამდენიმეს გადარგვა მოგვიწია. საკონპენსაციოდ კი, დედაქალაქის მერიამ 140 ძირი ხე დარგო“, - განაცხადა კახა კალაძემ.

დედაქალაქის მერის თქმით, გზაგამყოფთან ახლოს სკვერიც მოეწყობა, რომელიც მოსახლეობას საშუალებას მისცემს, კიდევ ერთი რეკრეაციული სივრცით ისარგებლონ.

„გვაქვს იდეა, რომ გზაგამყოფთან ლამაზი სკვერი მოვაწყოთ, რომელიც კეთილმოწყობილი და  განათებული იქნება. აქ მცხოვრებ ადამიანებს და არამხოლოდ მათ, ექნებათ შესაძლებლობა, ნებისმიერ დროს გამწვანებული სივრცით ისიამოვნონ“, - განაცხადა კახა კალაძემ.

თბილისის მერთან ერთად, ადგილზე მერის მოადგილე ირაკლი ბენდელიანი, გარემოს დაცვის საქალაქო სამსახურის უფროსი გიგა გიგაშვილი, ინფრასტრუქტურის განვითარების საქალაქო სამსახურის უფროსი გაგი ბუაძე და საბურთალოს რაიონის გამგებელი გაიოზ ვასაძე იმყოფებოდნენ.

პროექტი მიმდინარე წლის აპრილში დაიწყო და სექტემბერში დასრულდება. დედაქალაქის ბიუჯეტიდან კვანძის მშენებლობაზე სამ მილიონ ლარამდე დაიხარჯება. სამშენებლო სამუშაოებს ინფრასტრუქტურის განვითარების საქალაქო სამსახურის კონტრაქტორი კომპანია „ქონსთრაქშენ სერვისი“ აწარმოებს.

(NS)

ავტორი: ,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება